Саудийн Арабын эрх баригчдыг хурцаар шүүмжлэгч сэтгүүлч, нийтлэлч Жамал Хашогги Турк улс дахь Саудийн Арабын консулын газарт бусдын гарт амиа алдсан хэрэг өнгөрөгч оны аравдугаар сарын 02-ны өдөр гарсан нь олон улсын анхаарлын төвд орж, араасаа чамгүй их хэл ам дагуулсан билээ. Тэрээр угсаа залгамжлагч ханхүү Мухаммед Бин Салманы хэрэгжүүлж буй бодлогыг хамгийн ихээр шүүмжилдэг байсан нь эл хэргийг улам ээдрээтэй болгосон юм. Энэ ч утгаараа НҮБ-аас аллагын хэргийг шалгах хороо байгуулж, хэрэг гарсан газар руу илгээгээд байсан. Тэгвэл тус шалгах олон улсын хороо Туркт явуулсан ажиллагааны эцэст Ж.Хашоггийн аллагын хэрэгт Саудийн Арабын эрх баригчид холбоотой нь үнэн гэх дүгнэлтэд хүрснээ тайлагналаа. Тэрс үзэлт сэтгүүлчийг зохион байгуулалттайгаар хөнөөх хэргийг санаатайгаар мартагнуулж, гадны мэргэжилтнүүдийг аль болох оролцуулахгүй байхыг завдаж байна гэж тус хороо үзжээ. Эх сурвалжийн мэдээлж буйгаар Саудийн Арабын прокурорын газраас Ж.Кашоггийн аллагад 11 хүнийг сэжиглэн буруутгаж, тавд нь хуулийн дээд хэмжээ оноохоор зэхэж байгаа аж. Харин Туркийн талаас нөлөө бүхий албан тушаалтны заавраар л дээрхи шиг хэрэг гарах боломжтой учраас угсаа залгамжлагч ханхүү Мухаммед Бин Салман захиалагч нь байх магадлалтай гэв
Сэтгэгдэл (0)
Сэтгэгдэл бичигдээгүй байна