БНХАУ-ын Засгийн газар айл өрх бүр цагаан сарын өдрүүдэд заавал гахайн мах идэж, архи уух захирамж гаргасан талаар тус улсын умард хэсгийн Илийн казакын өөртөө засах бүсэд оршин суугчид олон улсын байгууллагуудад гомдол мэдүүлжээ. Өөрөөр хэлбэл Шинжаан уйгурын лалын шашинт иргэдийг хүчээр тулган шаардсан байна. Лалын шашинд гахайн мах, архи зэргийг хатуу хориглосон байдаг ч сүүлийн жилүүдэд хятадууд үл хүндэтгэх болсон нь энэ жил бүр ихээр илэрсэн гэж Дэлхийн уйгурын чуулганы төлөөлөгч Дилзат Раксит Азийн чөлөөт радиод өгсөн ярилцлагадаа онцолжээ. Түүний тайлбарлаж буйгаар хятадын лалын шашинтнууд цагаан сар тэмдэглэгдэггүй боловч Бээжингээс заавал тэмдэглэж, гэрийнхээ гадна хятад маягийн чимэглэл өлгөхийг шаардаж, татгалзсан тохиолдолд дахин хүмүүжүүлэх лагерт илгээх ял тулгаад байгаа аж. Эрх баригчдын зүгээс эл захирамжийг бүх хятад орныг нэгтгэх бодлого гэж тайлбарласан бол лалын шашинтнуудын хувьд Хан үндэстэнд хүчээр уусах аюулын харанга дэлдсэн хэрэг болж байгаа юм
Сэтгэгдэл (0)
Сэтгэгдэл бичигдээгүй байна