Хэнтий аймгийн 42 дугаар тойргийн нөхөн сонгууль 6 дугаар сарын 30-ны өдөр товлогдсонтой холбогдуулан аймгийн Сонгуулийн хороо 2 дахь хуралдаанаа хийлээ.Хуралдаанаар сонгуулийн хорооны төлөвлөгөө, гишүүдийн ажил үүргийн хуваарь, сумдын сонгуулийн хороо байгуулах асуудлыг тус тус хэлэлцэж баталжээ.
42 дугаар тойрогт Хэрлэн, Мөрөн, Жаргалтхаан сум, Тахилгат, Өлзийт тосгон багтдаг бөгөөд нийт 17906 сонгогч санал өгнө. Тиймээс хүн амын тооноос хамаарч Хэрлэн суманд 11, Мөрөн, Жаргалтхаан суманд тус бүр 5 нийт 21 санал авах байр ажиллах юм. Мөн хуралдаанаар Хэрлэн суманд 7, Мөрөн, Жаргалтхаан суманд 5 хүний бүрэлдэхүүнтэй сумын СХ-г байгууллаа.
Сонгуулийг зохион байгуулах ажлын хэсэгт төрийн Захиргааны болон Төрийн үйлчилгээний албан хаагчид ажиллах бөгөөд бүгд сургалтад хамрагдаж гэрчилгээ авчээ. Мөн аймгийн СХ-ын гишүүд нь 5-6 сонгуулийг зохион байгуулсан туршлагатай юм.
Сэтгэгдэл (0)
Сэтгэгдэл бичигдээгүй байна