Пакистаны экс Ерөнхий сайд ШахидАббасийг тус улсын Авлигатай тэмцэх үндэсий товчооныхон авлигын хэргээс баривчилсан тухай "Doon" сонин мэдээлсэн байна.
Түүнээс авлигын хэргээр байцаалт авахаар удаа дараалан дуудсан ч ирэхгүй байсан тул Пакистаны авлигын эсрэг шүүх нь ийнхүү баривчилах шийдвэр гаргасан байна.
Шахид Аббасын гишүүнчлэлтэй Пакистаны лалын лиг нам нь өндөр албан тушаалтай гишүүнийг нь баривчиллаа гэж авлигын эсрэг шүүхийн шийдвэрийг эрс шүүмжилсэн мэдэгдэл хийжээ. Тус намын дарга, парламентын сөрөг хүчний удирдагч Шехбаз Шариф нь Twitter хуудсан дээрээ "Бид Шахид Аббасыг баривчилсан явдлыг эрс эсэргүүцэж байна. Авлигатай тэмцэн үндэсний товчоо нь Ерөнхий сайд Имран Ханы зоргоор ажилладаг боллоо" гэж жиргэжээ
Экс Ерөнхий сайдыг 2013 онд төрийн худалдан авалтын тухай хуулийг зөрчин шингэрүүлсэн шатдаг хий импортлон оруулж ирсэн гэж буруутгаж байгаа аж. Тэрээр 2017 оны наймдугаар сараас 2018 оны зургаадугаар сарын хооронд Пакистаны Ерөнхий сайдын албыг хашсан юм.
Сэтгэгдэл (0)
Сэтгэгдэл бичигдээгүй байна