Долоодугаар сарын 22-нд Өмнөд Солонгосын ачааны усан онгоц далайн дээрэмчдийн дайралтад өртсөн тухай тус улсын Далай ба загас агнуурын яам мэдээлснийг"Yonhap News" уламжилжээ.
Өмнөд Солонгосын "CK Bluebell" усан онгоцыг Сингапурын хоолойгоос 180 км орчим зайтай явахад нь галт зэвсэг бүхий этгээдүүд дайран усан онгоцон дээр нь гарсан байна. Гэмт этгээдүүд усан онгоцон дээр гарсны дараагаар багийн гишүүдийн өмд, гутал, гар утас болон 13 мянга орчим долларыг дээрэмдээд зугтжээ. Халдлагын үеэр эсэргүүцэл үзүүлсэн 22 далайчин хөнгөн шархадсан.
Ачааны усан онгоц 15 зангилаа хүрэхгүй хурдаар, өөрөөр хэлбэл цагт 28 км орчим хурдтай явдаг. Харин далайн дээрэмчид өндөр хурдны завиар усан онгоцыг гүйцэд төрүүлээд ийнхүү түр эзэлсэн байна. Тус усан онгоц нь Өмнөд Солонгосын Инчхоноос Бразиль орохоор явж байжээ. Дайралтын улмаас хэсэг далайчид хөнгөн гэмтэл авснаас өөр ямар нэг ноцтой зүйл үүсээгүй тул тул аяллыг зогсоох хэрэггүй гэж үзжээ.Сингапурын хоолой нь худалдааны асар олон усан онгоц явдаг далайн хөл хөдөлгөөн ихтэй тул далайн дээрэмчдийн халдлага гарах нь цөөнгүй.
Сэтгэгдэл (0)
Сэтгэгдэл бичигдээгүй байна