Их Британийн Уэлс дахь Бакли хотын өндөр настны асрамжийн газар амьдардаг Ада Холлворт долоодугаар сарын 25-нд 108 насныхаа төрсөн өдрийг тэмдэглэсэн тухай орон нутгийн "Daily Post" сонин мэдээлжээ. Эмээгийн төрсөн өдрөөр түүний охин 78 настай Жан О'Коннор нь ээжийнхээ урт насалсан нууцаас сэтгүүлчид ярьсан байна. Тэрээр "Ээж хэзээ ч тамхи татаж, согтууруулах ундаа хэрэглэж байгаагүй. Маш халамжтай хүн" гэжээ. Мөн Холлворт нь өглөг буяны ажилд идэвхтэй оролцдог, хүмүүст туслах дуртай байж.
1980 онд нөхөр нь өөд болсны дараа Ада Холлворт нь хүүхдүүдтэйгээ ойрхон амьдрах болж. Ингэж байгаад 2019 онд л хүүхдүүд нь нас дээр гарсантай холбогдуулан өндөр настны асрах газар сайн дураар очжээ. Тэрээр хоёр хүүхэд, таван ач, гурван ачинцартай.
Энэ долоодугаар сарын долоонд АНУ-ын хамгийн өндөр настай хүн Алелия Мерфи нь 114 насныхаа төрсөн өдрийг тэмдэглэж байсан. Тэрээр бурханд итгэдэг, амьдралын идэвхтэй хэв маягийг ямагт баримталдаг байсан болохоор өндөр насалсан гэж ярьж байсан юм.
Сэтгэгдэл (0)
Сэтгэгдэл бичигдээгүй байна