Энэтхэгийн Тамилнад мужийн Ченнай хотын шүд судлалын төвд долоон настай хүүхдийн илүү ургасан 526 шүдийг авах хагалгаа хийгдсэн тухай "The New Indian Express" сонин мэдээлжээ.
Равиндран нэртэй жаал доод эрүүнийх нь баруун буланд том хавдар үүссэн гэж эмнэлэгт үзүүлжээ. Эмч нар эрүүнийх нь рентген зургийг автал шүдний олон жижиг үр хөврөл бүхий үүсгэл байгааг илрүүлсэн байна. Дараа нь мэс засал хийж 200 грамм орчим жинтэй үүсгэлийг авчээ. Үүсгэл дээрх дутуу хөгжсөн шүднүүдийг тоолоход 526 ширхэг байж. Эмч нар ийм олон шүдний үр хөврөл үүсэх болсон шалтгааныг тодорхойлж чадаагүй. Зарим эмч удамшил нь хүрээлэн буй орчны өөрчлөлттэй хийлээд ингэж өөрчлөгдсөн гэжээ. Одоо Равиндра хүү 21 шүдтэй үлдсэн нь түүний насанд хэвийн бөгөөд 16 нас хүрэхдээ шүдний суулгац хийх шаардлагатай болохыг анхааруулжээ.
Сэтгэгдэл (0)
Сэтгэгдэл бичигдээгүй байна