Казахстаны Уральск хотод амьдардаг Лилия Коновалова гэдэг бүсгүй хоёр сарын зайтай хоёр хүүхэд төрүүлсэн тухай тус улсын Эрүүл мэндийн яам мэдээлснийг "РИА Новости" агентлаг уламжилсан байна.Казахстан улсын эрүүл мэндийн яамны "Facebook" хуудсанд "Уральск хотын эх хүүхдийн төвд хосгүй тохиолдолд гарлаа. 29 настай Лилия Коновальцева хоёр сарын зайтай хоёр хүүхэд төрүүллээ. Лилиягийн охин нь 25 долоо хоногтойдоо гарсан бол хоёр сар ба 16 хоногийн дараа хүсэн хүлээсэн хүү нь мэндэллээ" гэж өгүүлсэн байна.Коновалова нь тун ховор тохиолддог давхар савтай тул ийм зүйл болсон гэдгийг Казахстаны Эрүүл мэндийн яам тайлбарлажээ.Статистик мэдээнээс үзвэл ийм тохиолдолд эрүүл, хэвийн бойжилттой хүүхэд төрнө гэсэн магадлал нь 50 саяд 1 байдаг аж. Гэхдээ эх хүүхдийн төвийн мэргэжилтнүүдийн ур чадварын ачаар ээж ба ихрүүдийн биеийн байдал сайн байгаа аж. 25 долоо хоногтойдоо төрсөн охин 850 грамм жинтэй, 42 см байсан бол хоёр сарын дараа гарсан эрэгтэй дүү нь 2,9 кг жинтэй, 50 см байжээ.
Сэтгэгдэл (0)
Сэтгэгдэл бичигдээгүй байна