126: Цензургүй Л.Мөнхбаясгалан УИХ-д хүч үзнэ

УИХ-ын сонгууль ойртож байгаа энэ өдрүүдэд нэр дэвших горилогчдын нэрс эхнээсээ ил болж эхэлсэн.  Цензургүй Л.Мөнхбаясгалан АН-д элсэж, сонгуулийн 7-р тойрог буюу говийн бүсэд Сү.Батболд, Б.Дэлгэрсайхан нарын МАН-ын томчуудыг амалж авч, өрсөлдөхөөр болсон талаараа өөрийн цахим хуудаснаа мэдэгдсэн. Түүний хувьд Ерөнхийлөгч асан Х.Баттулгатай ойр, МоАХ фракцийн ажилд оролцдог гэдгийг хэн бүхэн мэднэ.

Тэрбээр өчигдөр /2024.05.01/ Өмнөговь аймгийн Ардчилсан намд ажиллаж, сонгуульд нэр дэвшихээ албан ёсоор илэрхийлсэн юм. Говийн бүсийг сонгох болсон шалгаан гэвэл тэр Өмноговь аймгийн бэр юм. Түүний нөхөр Б.Идэрчулуун нь төрийн албаны зөвлөлд референт, ахлах шинжээч, ажлын албан дэд даргаар тус тус ажиллаж байсан туршлагатай нэгэн.
Л.Мөнхбаясгалан нь аливаа асуудалд цензургүйгээр шүүмжлэлтэй дугарч гарч ирсэн юм. Түүний энэ өнгө ирэх Парламентад хэрэгтэй гэж үзсэн тул ийнхүү сөрөг хүчний намаас хүч үзэхээр зориг шулуудсан бололтой.