Эко буюу экологийн цэвэр бүтээгдэхүүн гэсэн нэрээр халхавч хийж Америкийн түүхэнд томд орох луйвар хийсэн Рэнди Констант гэгч нь амиа егүүтгэсэн тухай "Associated Press" агентлаг мэдээлжээ. Дэлхийн даяар, тэр дундаа Америкт эко бүтээгдэхүүн нь моодонд орж, ердийн аргаар бэлдэж боловсруулсан бүтээгдэхүүнээс илүү өндөр үнээр зарагдаж эхэлсний Рэнди Констант нь чадварлагаар ашигласан байдаг. Тэрээр өөрийн тариалж, борлуулж байсан эрдэнэ шиш, шар буурцагийг эко гэж өндөр үнээр зардаг байсан ч хожим нь тариан талбайгаа бусдын адил химийн бодис ашиглан борддог байсныг хөдөлшгүй баримтаар нотолсон юм. Контсант нь зөвхөн 2016 онд гэхэд л АНУ-д тариулсан нийт эрдэнэ шишийн 7 хувь, шар буурцагийн 8 хувийг эко гэж худал мэдүүлэн зарсан байж. Нийтдээ 2010 оноос 2017 оны хооронд 11,5 сая бушель үр тариаг эко гэж худал мэдээлэн зарсан нь даруй 3600 вагон бүхий цувааг бүрэн дүүргэхэд хангалттай юм. Шүүхээс түүнд 10 жил хорих ял оноосон. Гэхдээ нийгэмд нэн осолтой, оргон зугтах хандлагатай хүн биш тул шүүхийн шийдвэрийн гүйцэтгэлийг хэдхэн долоо хоногоор хойшуулж, сайн дураар ял эдлэх шорондоо очих эрх өгөөд байсан аж.
Сэтгэгдэл (0)
Сэтгэгдэл бичигдээгүй байна