Польш улсын Ерөнхий сайд Матеуш Моравецкий улсад нь байгаа Америкийн цэргийн албан хаагчдын тоог нэмэгдүүлэх, НАТО-ийн байнгын цэргийн бааз байгуулах зайлшгүй шаардлага байгаа тухай ярьсан байна. Тэрээр Германы "Westdeutsche Allgemeine Zeitung" сонинд өгсөн ярилцлагын үеэр энэ тухайгаа мэдэгджээ. Моравецкий нь АНУ нь Польш ба Германы нутаг дээрх цэргийн базуудаа улам хүчитгэх хэрэгтэй гэж үздэг аж. Тэрээр "Энэ бол хоёроос нэгийг нь сонгох тухай асуулт биш юм. Бидэнд Рамштайнд НАТО-ийн бааз хэрэгтэй бас Польшд НАТО-ийн бааз хэрэгтэй" гэжээ. Улмаар Германыг Батлан хамгаалах зардлаа ДНБ-ийн 2 хувь хүртэл өсгөхгүй байгааг шүүмжилсэн байна. Тэрээр "Би Германыг тасалбаргүй зорчигч гэж хэлэхгүй ч түүний оруулж байгаа гишүүнчлэлийн татвар нь хүлээсэн үүрэгт нь дүйцэхгүй байна. Батлан хамгаалахынхаа зардлыг аль болох хурдан нэмэгдүүлэх хэрэгтэй" гэжээ. 2018 оны байдлаар НАТО-ийн гишүүн есөн улс Батлан хамгаалахын зардлаа ДНБ-ийхээ 2 хувь болгон өсгөөөд байна. Польш нь бүр 2017 онд Батлан хамгаалах зардлаа 2 хувьд хүргэсэн. Герман нь Батлан хамгаалах зардлаа өсгөнө гэж амалдаг ч эдийн засгийн хямрал гэх мэт шалтаг заан хойшлуулсаар байгаа юм.
Сэтгэгдэл (0)
Сэтгэгдэл бичигдээгүй байна