Жем Интернэшнл ХХК-ийн ойн харцага цолны хүндэтгэлийн барилдаан боллоо

Жем Интернэшнл ХХК үүсэн байгуулагдсаны 25 жилийн ойд зориулж хүрэлцэн ирсэн эхний 250-н хүнд гарын бэлэг гардуулж нийт ирсэн хүн болгондоо бүтээгдэхүүнийхээ дээжээс бэлэг болгон өгсөн байна. 

Барилдаанд Ховд аймгийн Буянт сумын харьяат, "Аврагч" спорт хороо, “Од” групп, "Их Монгол" Сан, “Эм Жи Ө” транс ХХК, "Ховд" дэвжээний бөх, улсын аварга О.Хангай түрүүлж, Төв аймгийн Өндөрширээт сумын харьяат, “Сүлд” спорт хороо, “Заамар Өгөөмөр Хайрхан” ХХК, “Дорнын Өртөө” ХХК, “Нью План” ХХК, “Дүнжингарав” дэвжээний бөх, улсын начин Д.Хүдэрбулга үзүүрлэв. 

Дөрөвт Өвөрхангай аймгийн Нарийнтээл сумын харьяат, “Алдар” спорт хороо, “Макс” групп, “Эвсэг” ХХК, “Их Монголын хүчтэн” дэвжээний бөх, улсын начин Б.Лхагвадорж, Ховд аймгийн Чандмань сумын харьяат, “Ховд” дэвжээний бөх, аймгийн арслан У.Батцоож нар шалгарлаа. 

Наймд улсын гарди Ц.Бямба-Отгон, улсын харцага Х.Гантулга, улсын харцага Г.Бадрах, аймгийн хурц арслан Н.Өсөхбаяр нар үлдэв.