"Жүжигчин Б.Мишээл охиныг минь алгадаж, мөнгө нэхээд вино авхуулдаг байсан"

"Эмоци" продакшны жүжигчин Б.Номин "Baji&Ylalt" влогийн 201 дэх зочноор оролцох үеэрээ "Оюутан байхдаа доод үеийнхнийгээ дээрэлхэж байгаагүй" хэмээн ярьсан. Гэвч нэвтрүүлгийн дараа жүжигчин Т.Бадамжав, Б.Мишээл, Б.Номин нарын доод курст сурч байсан гэх охин тэднийг СУИС-ийн оюутан байх үедээ тэд бусдыг дээрэлхдэг байсан тухай шүгэл үлээж мөн араас нь олон төгсөгч энэ тухай цахим орчинд байр сууриа илэрхийлээр байна. 

 Харин жүжигчид энэ мэдээллийг үгүйсгэж, хууль хяналтын байгууллагад хандахаа илэрхийлээд буй. 

Тэгвэл манай редакцид нэгэн ээж хандаж, 2012 онд СУИС-ийн кино драмын ангид элссэн охин нь сургуулиа орхисон нь дарамт шахалттай холбоотой хэмээн ярилаа. 

Тэрбээр  “Эгч нь хоёр охинтой, өрх толгойлсон ээж. Том охин маань 2012 онд СУИС-ийн кино драмын ангид элсэж орсон. Охин минь багаасаа мөрөөдсөн сургуульдаа ороход зүүд шиг л сайхан байсан. Ганц бие ээж болохоор жүжигчнээр сурч байгаа охиноо хүнээс дутаахгүй гэсэндээ Их дэлгүүрээс Chanel-ийн монетан ээмэг авч өгсөн. Ер нь СУИС-д орсон жилээ миний охины нүд ямар ч гал цоггүй болчихоод байсан. Нэг удаа өрөөсөн хацар нь байдгаараа улайчихсан орж ирэхээр нь миний охин яасан юм гээд асуутал “ зүгээрээ, дээд курсын эгч тоглоод л цохьсон юм” гэсэн. Тэгээд ээмэг нь бас алга болчихсон байсан. Асуутал алга болгочихсон юм аа гэсэн. Гэтэл дээд курсийнх нь “М” гэх оюутан охины минь хацрыг алганы ором гартал алгадаад, хүүхдийн урлан бүтээхын тэнд суучихаад доод курсийн охидуудаасаа виноны мөнгө нэхдэг байсан байгаа юм. Тэгээд охины минь ээмгийг тэр М гэдэг оюутан ломбарданд тавьчих гэж дарамтлаад ломбардуулаад тэр мөнгөөр нь Сангриа гэдэг винонд явуулж, дээд курсынх нь хэдэн охин винодсон байсан. Тэр үед би СУИС-ийн захирал Сонинтогос гэдэг эмэгтэйтэй уулзаад “охиныг минь зодож, дарамтлаад байна” энэ хүүхдүүддээ арга хэмжээ ав гэж хэлсэн. Гэтэл “одоо яах вэ дээ, тэсч чадсан нь л энэ сургуулийг төгсдөг. Драмын ангид 40-өөд хүүхэд ороод л сургуулиа орхисоор 7,8 нь л төгсдөг, хурал хуйтай байхад” гээд намайг хөөх шахам гаргасан. Тэгээд охин маань бас “ээж намайг СУМ болгочихно оо, тэсээд л сурч байя” гэхээр нь орхисон.Тэр үед охин минь дарамтнаас зугтаад мөрөөдлөө орхисон. Яахав, охиныхоо хүсэл мөрөөдлийн төлөө хөл хүрэх газраа яваагүй миний буруу байсан. Тэр охид ах, эгч ар тал нь сайн хүүхдүүдийг дээрэлхдэггүй гэж байгаа юм. Сургуулийн захирал нь, багш нар дээрэлхэлт байгааг мэдсээр байж мэдээгүй юм шиг царайлдаг. Ер нь анхнаасаа сургууль нь сайн арга хэмжээ авдаг байсан бол олон хүүхэд хүсэл мөрөөдлөө орхихгүй шүү дээ” гэлээ.