Б.Ганбат: Нарны замын өнгөт тэмдэглэгээ борооны усанд урсаж, арилахгүй

Admin

2024/05/09

Нарны замын зорчих хэсгийн асфальт бетон хучилтын ажил дуусаж, тээврийн хэрэгслийн хөдөлгөөнийг өнөөдөр 06:00 цагт нээсэн. Уг замын өнгөт тэмдэглэгээ борооны усны улмаас урссан эсэх асуудлаар нийслэлийн Замын хөгжлийн газрын Зам арчлалтын хяналтын хэлтсийн Ахлах мэргэжилтэн Б.Ганбат дараах мэдээллийг өглөө.

Тэрбээр тус замын хэсэгчилсэн засвар, шинэчлэлтийн хүрээнд хийгдэж буй гарцны өмнөх өнгөт тэмдэглэгээний ажил бүрэн дуусаагүй байна. Борооны улмаас өнгөт тэмдэглэгээний илүүдэл материалууд урссан гэж олон нийтийн сүлжээгээр шүүмжилж байна. Технологийн дагуу өнгөт тэмдэглэгээний илүүдэл материалыг бэхжилтээ бүрэн авсны дараа цэвэрлэдэг. Ямар ч урсаж алга болсон зүйл байхгүй бөгөөд замын чанар, стандартад нөлөөлөхгүй гэдгийг онцоллоо.

Түүнчлэн нарны зам дагуух борооны ус зайлуулах шугам хоолой, явган замын рамп, авто замын тэмдэглэлийн ажлууд үргэлжилж байна. Мөн замын урд хэсэгт ус зайлуулах, шингээх худаг хоёрыг шинээр хийнэ.

Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

2405:5700:300:19c:7144:f421:b0e6:f8f0

2024/05/10

Нийслэлийн авто замын хөгжлийн газрын дарга Г. Баярсайхан Хотын бүх замын ажлаас 10 хувь аваад хамаатан саднаараа хагартлаа баяжиж бүгд 300 авж унаж байхад ажил хийж байгаа замын хэдэн компаниуд удахгүй дампуурлаа зарлах нь. Одоо болъёоо хууль гэж байна уу энэ хүнийг шалгадаг газар нь шалгаачээ явуулдаг газар нь явуулаад мэргэжлийн хүнээр сольмоор байна .

Хариулах

116.120.126.36

2024/05/09

Ямар хулхи будгаар цавчаа хийгээд байна аа.. Солонгос замын будгаар будаачээ...Солонгос будаг нь халаагаад халуунаар буддаг Ямар илүүдэл гардаггүй удаан барьдаг сайн будаг ш дээ...

Хариулах