Самар түүж байсан дөрвөн отгийг уулнаас буулгажээ

Экологийн цагдаагийн албанаас Нийслэлийн байгаль орчны газартай хамтран Хуш модны болц гүйцээгүй самар түүж бэлтгэх гэмт хэрэг, зөрчилтэй тэмцэх эргүүл, хяналт шалгалтыг энэ оны наймдугаар сарын 09-ний өдөр Баянзүрх дүүргийн 35 дугаар хорооны нутаг дэвсгэр Баянголын ам, Уртын ам, Бурхант зэрэг газруудад зохион явуулж нийт 4 отгийг илрүүлсэн байна.

Улмаар ойр орчмын хогийг цэвэрлүүлж, 18 тээврийн хэрэгсэл, 41 иргэнд мэдэгдэл, шаардлага өгч уулнаас буулгах ажлыг зохион байгуулжээ.

Дээрх ажлын хүрээнд гэмт хэргийн шинжтэй 2 үйлдэлд 23 шуудай цайруулсан самрыг эд мөрийн баримтаар түр хураан авч мөрдөн шалгах ажиллагааг явуулж байгаа талаар Экологийн цагдаагийн албанаас мэдээллээ.