Дэлхийн цомын төлөөх тэмцээнд Спортын Гуа-Үжин клуб амжилттай оролцлоо

 Англи улсын Stoke on Trent хотод зохион байгуулагдсан Дэлхийн цомын төлөөх “The formation World Cup 2025” бүжгийн спортын хамтлагийн тэмцээн болсон. Монголын мастеруудын Биеийн Тамир спортын хорооны бүжгийн Спортын Гуа-Үжин клуб амжилттай оролцож эх орондоо ирлээ.  Монголоос хоёр насны хамтлаг өрсөлдсөн байна.  Насанд хүрэгчдийн дөрвөн хосын хамтлаг төрөлд шилдэг зургаат багтав.  Мөн хүүхдийн ангилалын  дөрвөн хосын хамтлаг төрөлд шилдэг зургаагийн тавд орж тус тус цом хүртлээ.

Спортын мастер, Бүжгийн Спортын Олон Улсын Шүүгч, GU dance /Гуа-Үжин / клубын захирал Д.Ганцог,  Соёлын тэргүүний ажилтан GU dance /Гуа-Үжин /клубын багш дасгалжуулагч Б.Сэлэнгэ нарын удирдлаган дор бүжигчид тэмцээндээ оролцсон юм.