“Ice top” хамтлагийн ахлагч Б.Оргил-Эрдэний нас барсан шалтгаан тодорхойгүй байна

“Ice top” хамтлагийн ахлагч Б.Оргил-Эрдэнийг нас барсан талаар түүний төрсөн дүү өчигдөр/2025.04.24/цахим хуудсандаа мэдээлсэн. Тэрбээр ахыгаа энэ сарын 6-наас хойш сураггүй болж, холбоо тасарсан асуудлаар Гадаад хэргийн яаманд хандаж байсан билээ.  Түүний дүү Б.Од-Эрдэнэ өчигдөр өөрийн цахим хуудсаараа live хийж, ах нь амиа алдсаныг мэдээлж, "Энэ ээдрээтэй хэрэгтэй холбоотой мэдээллүүд байгаа" гэсэн юм. 

Энэ талаарх эх сурвалжийн мэдээллээр Монгол Улсын Элчин сайдын яам, консулын газар Малайз улсад  байдаггүй учир Тайландад суугаа Монголын Элчин сайдын яамнаас уг асуудалд анхаарал хандуулан ажиллаж байгаа юм байна. Одоогоор шүүх эмнэлгийн дүгнэлт гараагүй, нас барсан шалтгаан тодорхойгүй байна. Уг хэрэгт мөрдөн шалгах ажиллагааг үргэлжлэн хийгдэж байгаа юм.