Сэлэнгэ аймгийн Баруунбүрэн сумын иргэн 39 настай эмэгтэй Д сураггүй алга болоод 13 хонож байна. Тухайн иргэнийг өнгөрсөн 11 дүгээр сарын 26-ны өдөр гэрээсээ гараад сураггүй болсон тухай дуудлагыг 12.01-ний өдрийн 17:50 цагт цагдаагийн байгууллагад мэдэгджээ. Ийнхүү мэдээлэл авсан даруй тус аймгийн Сайхан сум дахь сум дундын Цагдаагийн хэлтсийн 11 алба хаагч, 2 автомашинтай, орон нутгийн 31 иргэн, 4 морьтойгоор эрэн хайх ажиллагааг зохион байгуулж Баруунбүрэн сумын Бургалтай багийн "Номгоны-Өвөр" гэдэг газраас /сумын төвөөс баруун урд зүгт 30 км-т/ иргэн Д-гийн 45-76 СЭҮ улсын дугаартай "Истана" загварын автомашиныг 12.01-ний өдрийн 09:40 цагт олсон байна.
Өчигдрийн байдлаар тус аймгийн Онцгой байдлын газрын 10 алба хаагч, 1 автомашин, тус аймгийн Сайхан сум дахь сум дундын Цагдаагийн хэлтсийн 13 алба хаагч, 2 автомашин, Баруунбүрэн сум дахь Цагдаагийн тасгийн 2 алба хаагч, ар гэр, орон нутгийн 10 хүн, 2 автомашин, орон нутгийн 13 хүн, 2 автомашин, нийт 48 хүн, 7 автомашинтайгаар иргэн Ч.Даваадоржийн автомашин олдсон цэгээс баруун урд зүгт "Бургалтай" голын адаг хүртэл 10 км-т, "Сэртэн Номгоны өвөр" уулын баруун хэсгээр 5км-т хунгарласан цасыг ухаж эрэн хайх ажиллагааг зохион байгуулсан боловч үр дүнд хүрээгүй тул эрэн хайх ажлыг өчигдөр 19:30 цагт түр зогсоосон байна. Ингээд өнөөдөр эрэн хайх ажлыг дахин эхлүүлээд байгаа бөгөөд одоогоор ямар нэгэн мэдээлэл эрлийн багаас ирээгүй байгаа аж.
Б.Ирээдүй
Сэтгэгдэл (0)
Сэтгэгдэл бичигдээгүй байна