​АРХАНГАЙ АЙМАГТ БАРУУН БҮСИЙН АВТОВОКЗАЛ, ТЕХНИКИЙН ХЯНАЛТЫН ҮЗЛЭГИЙН ЦОГЦ ТӨВ АШИГЛАЛТАНД ОРЛОО

Монгол улсын Засгийн газрын үйл ажиллагааны хөтөлбөрт тусгагдсан авто тээврийн дэд бүтцийг хөгжүүлэх зорилтын хүрээнд баруун бүсэд зорчих зорчих зорчигчдын ая тухтай байдлыг хангах зорилготой автовокзал, техникийн хяналтын үзлэгийн төв Архангай аймагт ашиглалтад орлоо. Автовокзалын төвийн шавыг тавих ёслол 07р сарын 2ний өдөр болж байсан юм. Автовокзал техникийн хяналтын үзлэгийн төвийн барилга нь 2,3 тэрбум төгрөгөөр баригдсан ба барилгын зураг төслийг "Форум арт" компани хийж, барилгын гүйцэтгэгчээр "Гурван тамир" ХК шалгарч маш богино хугацаанд амжилттай дуусгаж захиалагч талд хүлээлгэн өгөөд байна.

Энэхүү Тээврийн төв нь Автотээврийн салбарт 2017 онд хийгдэх бүтээн байгуулалтын хүрээнд орон нутагт хийгдэж буй томоохон хөрөнгө оруулалт бүхий бүтээн байгуулалт юм. Автовокзал, техникийн хяналтын үзлэгийн төв ашиглалтанд орсоноор 20-30 хүний тогтмол ажлын байр бий болох ба зорчигчдын ая тухыг хангасан хүлээлгийн танхим, амрах өрөө, үйлчилгээний төвүүд байхаас гадна авто тээврийн үзлэг оношилгоог хийх цогц төв юм.

Архангай Аймгийн Засаг даргын 2016-2020 он хүртэлх үйл ажиллагааны хөтөлбөот тусгагдсан "хэрэглэгчээс-үйлдвэрлэгч аймаг болох" зорилтын нэгэн томоохон ажил "Архангайд үйлдвэрлэв" худалдааны төв нь энэхүү автовокзалын хажууд баригдаж байгаа. Ингэсэнээр аймгийн иргэдийн орлого ажлын байр нэмэгдэх юм.