НИТХ ӨНӨӨДӨР ХУРАЛДАНА

Өнөөдөр болох үйл явдлуудыг тоймлон хүргэж байна.

09:00 цагт: Нийслэлийн цагдаагийн газраас ГХУСАЗЗ, НИТХ-тай хамтран нийслэлийн 152 хороодын хамтарсан багийн гишүүдийн дунд "Хамтарсан багийг гишүүдийн үйл ажиллагааг эрчимжүүлэхэд анхаарах асуудал" сэдэвт уулзалт зөвлөгөөн зохион байгуулна. Монголын Хүүхдийн ордны Их танхимд

10:00 цагт: НИТХ-ын тэргүүлэгчдийн хурлаар "Хөгжлийн бэрхшээлтэй" иргэдийн дэд хөтөлбөр батлах тухай хэлэлцэнэ. Хангарьд ордонд

10:00 цагт: "Хүний хөгжил ба амьдралын хэв маяг" үндэсний зөвлөгөөн Төрийн тусгай албан хаагчдын нэгдсэн эмнэлгийн хурлын зааланд болно.

10:00 цагт: Сүхбаатар дүүргийн 13 дугаар хорооны Улсын 248-р цэцэрлэгийн нээлт болно.

10:00 цагт: "Сав газрын байгууллага-5 жил" сэдэвт хурал "Пума империал" зочид буудлын шинэ байрны 2 давхрын хурлын зааланд болно.

10:30 цагт: Нийслэлийн Онцгой байдлын газраас жилийн эцсийн ажлаа дүгнэж, шилдэг албан хаагчиддаа шагнал гардуулах үйл ажиллагаа болно. Хаана: Улаанбаатар чуулгын танхимд

11:00 цагт: Үндэсний мэдээллийн төвд УБТЗ-ын 1000 машины зогсоолтой холбоотой асуудлаар Авто худалдаачдын холбооноос мэдээлэл хийнэ.

11:00 цагт: Үндсэн хууль нэмэлт, өөрчлөлт оруулах төслийг улс орон даяар олон нийтээр хэлэлцүүлсэн дүнгийн тухай танилцуулгыг УИХ-ын Тамгын газрын Ажлын хэсгээс Төрийн байгуулалтын байнгын хорооны дарга, УИХ-ын даргын захирамжаар байгуулагдсан Ажлын хэсгийн ахлагч Д.Лүндээжанцанд гардуулан өгөх үйл ажиллагаа болно. Үүний дараа хэвлэлийнхэнд мэдээлэл хийнэ. Төрийн ордны В танхимд

12:00 цагт: ЦЕГ-ын Урьдчилан сэргийлэх хэлтсээс, Онцгой байдлын ерөнхий газар, Гэмтэл согог судлалын үндэсний төвтэй хамтран Нийслэлийн Цагдаагийн Газрын 1 давхрын 108 тоотод хэвлэлийн бага хурал хийнэ.

12:00 цагт: Монголын хүүхдийн ордны 60 жилийн ойн арга хэмжээний хүрээнд зохион байгуулагдаж байгаа "Уран бичлэг" үзэсгэлэнгийн нээлт Монголын Үндэсний музейд болно.

12:00 цагт: UB Palace-ийн тоглолтын их танхимд НИТХ, НБГ, Төрийн ба төрийн бус өмчийн цэцэрлэгийн хамтарсан Монгол хүн бэлтгэхэд СӨББ-ын үүрэг оролцоо сэдэвт удирдах ажилтан, багг нарын зөвлөгөөн болно.

13:00 цагт: Япон Улсын Засгийн газрын буцалтгүй тусламжийн хүрээнд Улаанбаатар хотын "Гал түймэртэй тэмцэх техник, тоног төхөөрөмжийг шинэчлэн сайжруулах" төслөөр нийлүүлэгдсэн гал түймэр унтраах шуурхай албаны авто машинуудын сэлбэг хэрэгслийг хүлээлгэн өгөх ёслолын ажиллагаа НОБГ-т болно.

14:00 цагт: "Green talks" уулзалт, ярилцлагын зочноор БОАЖЯ, Монгол дахь Францын элчин сайдын яам, Дэлхийн эрүүл мэндийн байгууллага, Юнисеф, Гэр хороолол төлөвлөлтийн төв, Guillaume de Rubrouck ТББ-ын төлөөлөгчид оролцон "Бие засах газрын хүртээмж болон усны эрүүл ахуй" сэдвийн хүрээнд илтгэл хэлэлцүүлнэ. Хаана: Цэнгэг усны нөөц, байгаль хамгаалах төвийн хурлын танхимд