ДЭМБ-ААС ЧИХЭВЧНИЙ ХӨГЖМИЙН НӨЛӨӨГӨӨР НЭГ ТЭРБУМ ХҮН СОНСГОЛЫН БЭРХШЭЭЛТЭЙ БОЛОХЫГ ТОГТООЖЭЭ

Чихэвчний хөгжим удаан хугацаагаар чанга сонсох нь анхаарал сарниулаад зогсохгүй ирээдүйн дүлий иргэдийг бэлтгэж байгаа явдал гэж эрүүл мэндийн байгууллагынхан онцолж байна.

Дотор чихний захын сонсголын мэдрэлийн эсүүд нь чихний дунгаас тархи уруу мэдээлэл дамжуулдаг. Тэнд хүн үгийг ялгаж, дуу чимээг таньж мэдэх процесс явагддаг. Гадна болон дунд чихний үйл ажиллагааны алдагдлаас болж үүсч буйг дуу дамжуулах хэлбэрийн сонсголын бууралт, дотор чихтэй холбоотойг хүлээн авах хэлбэрийн сонсголын бууралт гэх ба энэ хоёр нь хоёулаа хавсарч тохиолдвол холимог сонсголын бууралт байдаг.