САУДЫН АРАБАД АЖИЛЛАХ АНХНЫ ЭМЭГТЭЙ САЙД ТОДРОВ

Саудын Араб руу эмэгтэй элчин сайдаа илгээсэн анхны улсаар Бельги тодорлоо. Бельгийн шинээр томилогдож буй элчин сайд Доминик Майнур хатагтай удахгүй ажлаа хүлээж авахаар болжээ. Тус улсын Гадаад хэргийн сайд Дидье Рейндерс Саудын Арабаас гадна Ирак, Иран улсад эмэгтэй сайд илгээхээр болсноо зарласан байна. Түүний үзэж буйгаар эмэгтэйчүүдийн эрх хамгийн эрх зөрчигддөг эдгээр орнуудад улсаа төлөөлж чадахуйц, чадварлаг эмэгтэй сайд нар байх ёстой гэнэ.

Саудын Арабын эмэгтэйчүүд олон жил тэмцсэний эцэст жолоо барих, спортын цэнгэлдэх хүрээлэнд орох, сонгууль өгөх эрхээ баталгаажуулсан юм. Гэсэн хэдий ч гадаад улс оронд аялах, иргэний үнэмлэх авах болон бусад чухал шийдвэрийг эрэгтэйчүүдийн оролцоогүйгээр гаргах эрхгүй хэвээр байгаа юм.