ХАР ТАМХИ, МАНСУУРУУЛАХ БОДИС ИЛРҮҮЛЭХ ТӨХӨӨРӨМЖ АШИГЛАЖ ЭХЭЛЖЭЭ

Цагдаагийн ерөнхий газрын Хар тамхитай тэмцэх газар болон зарим аймаг дахь Цагдаагийн газар хар тамхи, мансууруулах бодис болон тэсэрч, дэлбэрэх бодисыг илрүүлэгч, тандан судлагч орчин үеийн тоног төхөөрөмжийг ашиглаж эхэлжээ. Эхний ээлжинд Цагдаагийн ерөнхий газрын Иргэний агаарын тээвэр дэх Цагдаагийн хэлтэс, Орхон, Дархан-Уул, Өмнөговь, Сэлэнгэ, Дорнод, Дорноговь аймаг дахь Цагдаагийн газарт АНУ-д үйлдвэрлэгдсэн "Target ID", "Sabre 5000" тоног төхөөрөмжийг хүлээлгэн өгчээ. Энэхүү тоног төхөөрөмж нь хар тамхи, мансууруулах бодис, тэсэрч дэлбэрэх бодисыг нарийвчлан илрүүлэх сүүлийн үеийн дэвшилтэт технологи бөгөөд Англи улсаас ирсэн мэргэжилтнүүд алба хаагчдад хэрхэн ашиглах тухай сургалтыг явуулсан байна. Энэ ондоо багтан нийслэлийн дүүргүүд дэх Цагдаагийн хэлтэс болон бусад аймгууд дахь Цагдаагийн газрыг энэ төрлийн тоног төхөөрөмжөөр хангахаар төлөвлөжээ