Шатахуун импортлогч 18 компани шатахууны үнээ нэмэх саналаа Уул уурхайн яаманд хүргүүлжээ. Засгийн газар татвараас чөлөөлөхгүй бол шатахууны үнийг литр тутамд нь 100 төгрөгөөр нэмэхээ мэдэгдээд байгаа гэж эх сурвалжууд бидэнд мэдээлсэн. Харин Уул уурхайн яамны зүгээс асуудлыг Засгийн газрын хуралдаанаар оруулна гэж хүлээлгээд байгаа аж. Шатахуун импортлогчид өнөө маргаашгүй үнээ нэмэх гээд Засгийн газрыг сүрдүүлж байхад салбар хариуцсан сайд Д.Сумьяабазар Ерөнхийлөгчийг дагаад айлчлалд морджээ. Өнөөдрийн байдлаар шатахууны импорт эрхэлж байгаа аж ахуй нэгжүүд гаалийн 5 хувь, нэмэгдсэн өртөгийн албан татварт 10 хувь, авто бензинийг онцгой албан татваргүй оруулж ирж байгаа бол дизель түлшийг тонн тутамд нь 280 000 төгрөгийн татвар төлж байгаа. Компаниудын зүгээс дизель түлшинд ногдуулж байгаа онцгой албан татварыг тэглэхийг хүсч байгаа аж. Шатахууны татвараас жилдээ 200 орчим тэрбум төгрөг улсын төсөвт төвлөрдөг. Сангийн яамны зүгээс татварыг бууруулах эсвэл компаниудад дотаци өгөх бололцоо байхгүй гэж мэдэгдлээ.
Н.Өнөрцэцэг
Сэтгэгдэл (0)
Сэтгэгдэл бичигдээгүй байна