М.ЭНХБОЛД: ГИШҮҮД ЧУУЛГАНЫ ТАНХИМДАА ХҮРЭЛЦЭН ИРНЭ ҮҮ

УИХ-ын чуулганы хуралдаан 10.00 цагаас эхлэн хуралдах товтой. Гэсэн ч одоогоор гишүүдийн ирц бүрдээгүй учир чуулганы хуралдаан эхлээгүй байна.

УИХ-ын дарга М.Энхболдын зүгээс "УИХ-ын гишүүн Д.Эрдэнэбатын өргөн барьсан санал асуулга, Төрийн албаны тухай хууль ирэх онд хэрэгжихтэй холбоотой гэх мэт цаг хугацаатай олон асуудал байна. Тийм учраас гишүүд чуулганы хуралдаандаа оролцож, шийдэх асуудлаа шийдээд явах хэрэгтэй. УИХ, Засгийн газрын гишүүд орж ирэхгүй байгаагаас УИХ хуралдахад хүндрэл бэрхшээл үүсч байна. 10.00 цагаас хойш 45 минут гишүүдийг хүлээж байна" гэлээ.

Ийнхүү нэн яаралтай хэлэлцэн шийдвэрлэх асуудлууд хүлээгдэж байгаа учраас гишүүдийг чуулганы танхимд хүрэлцэн ирэхийг М.Энхболд даргын зүгээс сануулж байна. Өнгөрсөн долоо хоногт ч мөн чуулганы хуралдааны ирц хүрээгүйгээс хэлэлцэх асуудал хойшлогдсон юм.