2020/07/12
USD 2,811

ХЭНТИЙ АЙМАГ “ТҮҮХЭН АЯЛАЛ ЖУУЛЧЛАЛЫН ТӨВ” БОЛОН ХӨГЖИНӨ

З.Гантулга
2019/04/25

Монгол Улсын Ерөнхий сайдын ивээл дор "Түүхэн аялал жуулчлал-Хөрөнгө оруулалт" үндэсний чуулга 4 дүгээр сарын 22-нд Төрийн ордонд амжилттай зохион байгуулагдаж 800 гаруй төлөөлөгчид оролцлоо.

Монгол Улсын Засгийн газар "Түүхэн болон төрөлжсөн аялал жуулчлалыг хөгжүүлэх" зорилт дэвшүүлж, 2020 он гэхэд Монголд аялах гадаадын жуулчдын тоог 1 саяд хүргэх, салбарын орлогыг 1,1 тэрбум ам.доллар буюу 2,8 их наяд төгрөгт хүргэхээр томоохон төслүүдийг эхлүүлэн ажиллаж байгаа юм.

Энэ хүрээнд зүүн бүсийг түүхэн аялал жуулчлалын бүс болгон хөгжүүлэх, тэр дундаа Их эзэн Чингис хааны төрсөн нутаг Хэнтий аймагт орших түүхэн газар нутгууд руу жуулчдыг татах зорилгоор бүтээн байгуулалтын томоохон ажлуудыг өнгөрсөн оноос эхлүүлээд байгаа билээ.

Тиймээс чуулганд Хэнтий аймгийн удирдлагууд, төрийн болон ТББ, хувийн хэвшил, иргэдийн төлөөлөл зэрэг нилээд олон хүний бүрэлдэхүүнтэй оролцож, өөрсдийн санал бодлоо хүргэлээ.

Мөн энэ үеэр Таван богд группын ерөнхийлөгч Ц.Баатарсайхан 300 гаруй ажилтантай ноолуурын үйлдвэрийг Хэнтий аймагт байгуулах боломжтой гэдгээ танилцуулсан бол аймгийн Засаг дарга Н.Ганбямба газрын асуудлыг шийднэ гэдгээ амлалаа.

Чуулганы төгсгөлд 5 заалт бүхий зөвлөмжийг гаргаж, Засгийн газарт хүргүүлэхээр болсон юм.

Уг зөвлөмжид,

Нэгдүгээрт, 2020 он гэхэд Монголд аялах гадаадын жуулчдын тоог 1 саяд хүргэх Засгийн газрын зорилтыг хэрэгжүүлэх ажлыг шат шатанд эрчимжүүлж, ОУ-ын агаарын тээврийн даацыг нэмэгдүүлэх, цахим виз олголтыг нэвтрүүлэх, хилийн боомт дээрээс виз олгох ажлыг яаралтай эхлүүлэх, гадаад дотоодын хөрөнгө оруулалтыг татварын болон бусад бодлогоор төрөөс дэмжих,

Хоёрдугаарт, Мянганы суут хүн, Их эзэн Чингис хааны түүхэн өв, соёлыг цогц байдлаар дэлхий нийтэд сурталчлан таниулах, боловсролын хөтөлбөрт тухайлсан өөрчлөлт оруулах, "Чингис хаан" нэршлийг хэрэглэх тухай зохицуулалт бүхий хууль, эрх зүйн орчин бүрдүүлэх,

Гурвдугаарт, Түүхэн аялал жуулчлалын хөгжлийг эрчимжүүлэх, хөрөнгө оруулалтын нийгэм, эдийн засгийн үр өгөөжийг нэмэгдүүлэх үүднээс Дэлхийн мянганы суут хүн, Их эзэн Чингис хааны төрөлх нутаг Хэнтий аймгийг "Түүхэн аялал жуулчлалын төв" болгон хөгжүүлэх, Засгийн газрын үйл ажиллагаа, хөрөнгө оруулалтын тусгай хөтөлбөр батлан хэрэгжүүлэх,

Дөрөвдүгээрт, Уул уурхайн салбар, Монгол Улсын хэмжээнд эвдрэлд орж орхигдсон газруудын байгаль, орчныг нөхөн сэргээх үйл ажиллагааг шинэ түвшинд гаргаж, аялал жуулчлалын бүтээгдэхүүн болгож хөгжүүлэх,

Тавдугаарт, Аялал жуулчлалын гол чиглэлийн авто зам дагуу үйлчилгээний цогцолбор байгуулах ажлыг төр, хувийн хэвшлийн түншлэлийн хүрээнд хэрэгжүүлэх, төслийг МҮХАҮТ хариуцан зохион байгуулах зэрэг асуудлуудыг тусгасан юм.


Сэтгэгдэл (7)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
139.5.216.234 |   2019/12/01
АЙМГИЙН ТӨВ ӨНДӨРХААН ХОТЫГ ЧИНГИС ХОТ ГЭЖ НЭРЛЭСЭНД НҮҮР ХИЙХ ГАЗАРГҮЙ БОЛТЛОО ИЧДЭГ ЮМ, ЧИНГИС ХААНЫ ТУХАЙ НЭГ Ч ҮЗЭГДЭЖ ХАРАГДАХ ЮМГҮЙ, БҮТЭЭН БАЙГУУЛАЛТ, ТОХЬЖИЛТ СОЁЛЖИЛТООР ХИЙСЭН ЮМГҮЙ МӨРТЛӨӨ ЧИНГИС ХОТ ГЭЖ БАЙГАА ЮМ, ГАДНЫ ЖУУЛЧИНТАЙ ЭНЭ ХОТРУУ ОРООД "ЗА БИД ЭРТ ДЭЭР ҮЕД МОНГОЛЫН ТӨРТ УЛСЫГ ҮҮСГЭН БАЙГУУЛСАН ЧИНГИСХААНЫ НЭРЭЭР НЭРИЙДСЭН ЧИНГИС ХОТРУУ ОРЖ ИРЖ БАЙНА" ГЭЖ ХЭЛЭХЭД ХЭЦҮҮ ДЭЭ, ИХ ХААНЫХАА САЙХАН НЭР ӨГСНӨӨР ХОТ САЙХАН БОЛЧИХГҮЙ, ГАДНЫ ЖУУЛЧИД ЦУГЛАРАХГҮЙ Ш ДЭЭ, ҮЗЭЖ ХАРАХ, СААТАХ, ОРЖ ГАРАХ ИХЭЭХЭН ЮМ ХИЙЖ БАЙЖ ЖУУЛЧДЫГ ТАТНА, ЯАГААЧҮГҮЙ БНА ДАА.
Хариулах
64.119.19.233 |   2019/11/23
BODLOG NZUV ALI ERT HIIH YOSTOI BAISAN UM ODOO NEEH SONGUULI URDIJ UULBOL IH TSAG HUGTSAA NURUNG ORDOG AJIL SHUU DEE DARAAGIIN ZASAGN GARJ IREED ZOGSOOCHIHGUIL BOL
Хариулах
82.102.20.146 |   2019/09/30
Нэг муу жижигхэн хөшөө барина гэж зураг гаргачихаад том төв болгоно гэж худлаа яриад хурал хийлгээд цаг нөгцөөхгүй шүү.
Хариулах
202.70.37.34 |   2019/09/18
Бусад аймаг нь яах юм ганцаараа өмчлөөд авчихдаг нь бас
Хариулах
202.131.227.171 |   2019/07/19
Яахаараа юмыг харлуулж хардаг байнаа. Харин ч түүх уламжлалаараа аялал жуулчлалыг хөгжүүлж жуулчдыг татна гэдэг маш зөв бодлого
Хариулах
66.181.161.123 |   2019/05/02
Хэнд наад хоосон түүх чинь хэрэгтэй юм бэ, олигтой зам ч үгүй байж жаахан хөрсөн дээрээ бууж хуц л даа
Хариулах
202.131.227.178 |   2019/04/25
тэгээд л сонгуулийн дараа замхарч алга болно. нэг их бүтээсэн ч юмгүй наалдсан ч юмгүй тэгээд л нэгэн хахуульчин даргын амаар орж бөгсөөр гарна
Хариулах