Энэтхэгийн "ТатаСтил" компани нь Европын төмөрлөгийн салбарт тулгараад байгаа ноцтой асуудалтай холбоотойгоор Их Британид байрладаг таван үйлдвэрийг хаах байгаагаа мэдэгджээ. "Татастил" -ийн Европ дахь охин компанийн гүйцэтгэх захирал Генрих Адам мэдэгджээ.
Тус компани нь эхний ээлжид цахилгаан ган хайлуулдаг "Орб Электрикал Стилс" компанийг хаахаар болсон байна. Компанийг орлогыг нэмэгдүүлэх арга олдоогүй тул зах зээлийн ерөнхий байдал сайжиртал хаахаас өөр аргагүй болсон тухай Генрих Адам хэлжээ.
"ТатаСтил" нь Их Британид байрладаг таван үйлдвэрээ худалдах тухайгаа зарласан ч Европыг хамарсан хямралын үед худалдан авагч олдоогүй тул ийнхүү хааж байгаа юм байна.
"ТатаСтил" нь үйлдвэрлэдэг гангийн хэмжээгээр дэлхийд аравдугаарт ордог том компани юм. Тус компани нь ган үйлдвэрлэхээс гадна төмрийн хүдэр, нүүрс олборлолт явуулдаг. Үндсэн үйлдвэрүүд нь Их Британи, Нидерланд, Энэтхэгт байрладаг. "ТатаСтил" компани нь ажлын нөхцөл, ажилчдын хангамж зэрэгт онцгой анхаарал хандуулдаг гэдгээрээ алдартай бөгөөд тус компанийн үйлдвэрүүдэд ганц ч удаа ажил хаялт болж байгаагүй онцлогтой.
Сэтгэгдэл (0)
Сэтгэгдэл бичигдээгүй байна