КАЗАХСТАНЫ ТУСГААР ТОГТНОЛЫН ЖИЛҮҮДЭД ХЯТАД 20 ТЭРБУМ ДОЛЛАРЫН ХӨРӨНГӨ ОРУУЛАЛТ ХИЙСЭН

Энэ тухай Казахстаны Ерөнхийлөгч Касым-Жомарт Токаев Казахстан Хятадын ажил хэргийн зөвлөлийн хуралдаанд оролцохдоо мэдэгдсэн байна. Мөн Хятадын бизнесменүүдэд хандан Казахстанд хөрөнгө оруулалт үргэлжлүүлэн хийхийг уриалахдаа Казахстаны эдийн засгийн талаар зарим баримтууд дурдсаныг "ca-news.org" агентлаг дамжуулж байна.

Тухайлбал, Хятад ба Казахстан хоорондын бараа бүтэгдэхүүний эргэлт 2018 онд 11,4 хувиар өсөж 12 тэрбум долларт хүрсэн. Зөвлөлт задран унасны дараа тусгаар улс болсон Казахстан нь эдгээр жилүүдэд гадаадаас нийт 300 тэрбум гаруй долларын шууд хөрөнгө оруулалт татаж чадсан нь Төв Азидаа хамгийн томд ордог. Үүний ачаар Дэлхийн банкны "Doing Business" рейтингт Казахстан нь дэлхийн 190 орноос 28 дугаарт жагсаж байгааг Казахстаны Ерөнхийлөгч хэлжээ.

Цаашлаад Ази ба Европын холбосон чөлөөт тээврийг бүрдүүлэн хөгжүүлэхэд Казахстан онцгой байр суурьтай гэсэн байна. Учир нь, Казахстаны нутгаар дамжин Хятадыг Ази ба Европын орнууд төдийгүй Ойрх Дорнодтой холбож байдаг төмөр замын 5 чиглэл, олон улсын авто замын 6 чиглэл байдаг. Иймд Казахстанаар дамжуулан Европ руу Хятадаас бараа явуулбал очоод эргэж ирэхэд ердөө 15 хоног шаардлагатай байхад далайн замаар явахад үүнээс 2-3 дахин их хугацаа зарцуулдаг гэдэгт Хятадын бизнесменүүдийн анхаарлыг хандуулжээ.

Мөн Казахстаны өндөр чанартай улаан буудайн дэлхийн шилдэг 10 экспортлогч орны нэг гээд өнгөрсөн жил Хятад руу 550 мянган тонны нийлүүлсэн. Цаашид энэ хэмжээг 2 сая тонн хүргэх сонирхолтой байгаагаа хэлжээ. Түүнчлэн Казахстаны экологийн цэвэр мах, сүүг нийлүүлэхэд бэлэн байгааг хэлсэн байна.

Казахстаны Ерөнхийлөгч Касым-ЖомартТокаев БНХАУ-д албан ёсны айлчлал хийх үеэрээ есдүгээр сарын 11-нд БНХАУ-ын Тэргүүлэгч СиЖинпиньтэйуулсан. Уулзалтын үеэр Касым-ЖомартТокаев нь "Манай хоёр улсын харилцааны 27 жилийн хугацаанд бид амаргүй зам туулж ирсэн. Олон тооны тод томруун амжилтад хүрсэн. Хөрш хоёр улсын харилцаа холбоо ба найрамдлыг хөгжүүлэх жишгийг тогтоосон. Манай харилцаа шинэ түвшинд гарах ёстой. Би тантай хамт манай хоёр улс цаашдаа харилцан туслалцах, хамтран ажиллах уур амьсгалын хүрээнд стратегийн мөнхийн түншлэлээ хөгжүүлэх болно гэж мэдэгдэхэд бэлэн байна" гэжээ.

Сэтгэгдэл (2)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2019 оны 09 сарын 12  [ 203.91.118.180 ]
Зочин

Манай улсын улс төрийн тогтворгүй байдал, арчаагүй байдал л харагдаж байна.

2019 оны 09 сарын 12  [ 202.179.31.24 ]
Зочин

Тийм үү? Манайхан эмдэж абйсан болов уу? Энэ талаар?

Top