2020/06/02
USD 2,773

АМЕРИКИЙН КОНГРЕССЫН ДООД ТАНХИМ РОДЧЕНКОВЫН ХУУЛИЙГ БАТЛАВ

Н.Мичидмаа
2019/10/23

Спортын тэмцээн уралдааны үеэр давуу байдал олж авахын тулд сэргээш хэрэглэхэд хүн ял шийтгэл ногдуулж байх тухай хууль буюу "Родченковын хууль" гэгчийг АНУ-ын Конгрессын доод танхим баталсан байна. Энэ хуулиар спортын том уралдаан тэмцээнд оролцохдоо давуу байдал олж авахын тулд допинг хэрэглэсэн нөхцөлд 1 сая доллароор торгож, 10 хүртэл жил хорих ялаар шийтгэж байх юм. Одоо энэ хуулийг Сенат баталгаажуулж, дараа нь Ерөнхийлөгч гарын үсэг зурах ёстой.

Гэвч Америкийн энэ хуулийг дэлхийн бусад улс орнууд эрс эсэргүүцэж байгаа юм. Учир нь, шинэ хуулийн дагуу Америкийн тамирчин оролцсон л бол тэмцээн аль улсад явагдсанаас үл хамаараад шууд Америкийн хуулийн үйлчлэх хүрээнд багтаж, зөрчсөн гэж үзсэн хүмүүсийг Америкийн хууль хяналтынхан шалгаж, Америкийн шүүхээр шүүх нөхцөл бүрэлдэнэ үзэж байгаа юм байна.

"The Rodchenkov Anti-Doping Act" хуулийг 2018 оны арванхоёрдугаар сард Конгресст өргөн барьсан бөгөөд Олон улсын допингийн эсрэг агентлагт ОХУ-ын удирдлагын зүгээс тамирчдадаа давуу эрх олгохоор сэргээшний шинжилгээг нуун далдалж байгаа тухай мэдээлэл өгсөн ГригорийРодченковын нэрээр нэрлэжээ.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна