2019 оны арваннэгдүгээр сарын 11 буюу өчигдөр Төрийн албаны зөвлөл, Цагдаагийн ерөнхий газар хамтран таван сургууль дээр хяналт шалгалт хийж, хуулийн зөрчил үйлдэгч төрийн алба хаагч, тэр дундаа төрийн өндөр албан тушаалтнуудын байдлыг ил болгосон нь татвар төлөгч иргэдийн бухимдлыг төрүүлж, шударга ёс шаардах нөхцлийг бүрдүүллээ.
Тодруулбал, төрийн өндөр албан тушаалтнууд төрийн үйлчилгээг иргэдэд үзүүлэхдээ албаны автомашинуудыг ашигладаг бөгөөд түүнийгээ амин хувийн хэрэгцээндээ ашиглаж, хууль зөрчиж байгаа нь ил болов. Өөрөөр хэлбэл, тэд хүүхдээ сургуульд нь албаны автомашинаар зөөдөг нь хэвшил болсон гэхэд хилсдэхгүй боллоо. Үүнийг нь ч ЗГХЭГ-ын сайд Л.Оюун-Эрдэнэ нотлон "соёл тогтсон байна" хэмээн ярилаа.
Тэгвэл хууль зөрчигч, татварын мөнгийг хувьдаа завшигчдын эгнээнд ЦЕГ-ЫН ДАРГА С.БААТАРЖАВ "нэгдлээ"
Учир нь Монгол Оросын хамтарсан гуравдугаар сургууль дээр хүүхэд буулгасан албаны автомашинуудын нэг нь болох 01-00 УБЗ дугаартай Тоёота ланд 200 маркийн автомашин нь ЦЕГ-ЫН ДАРГА С.БААТАРЖАВЫН АЛБАН ХЭРЭГЦЭЭНДЭЭ АШИГЛАДАГ АВТОМАШИН болохыг бид олж мэдсэн юм.
Цагдаагийн алба хаагч гэмт хэргээс урьдчилан сэргийлэх, хуулийг хэрэгжүүлэх үндсэн чиг үүрэгтэй атал ийнхүү Төрийн албаны хууль, Төрийн алба хаагчийн ёсзүйн хэм хэмжээг зөрчиж байгаа нь хяналт шалгалтаар ил боллоо. Өөрөөр хэлбэл, цагдаагийн алба хаагчдын шалгалтаар цагдаагийн байгууллагын дарга баригдаж байгаа нь энэ юм. Хууль хэрэгжүүлэх үүргээ амин хувийн үйлдлээсээ дор үзсэн ЦЕГ-ын дарга С.Баатаржав ИЧИГ ИЧИГ.
НЭМЭЛТ: "Албаны автомашиныг амин хувьдаа ашигласан тохиолдолд хариуцлага тооцох журам байхгүй" гэсэн тайлбарыг өнөөдөр /2019.11.12/ ЗГХЭГ-ын дарга Л.Оюун-Эрдэнэ хэвлэлийнхэнд албан ёсоор хэлсэн. Тэгвэл хууль эрхзүйн орчин бүрдсэн болохыг дараах хуулиуд батлана. Мөн мэргэжлийн хуульчийн тайлбарыг хавсаргав. ХУУЛИА МЭДДЭГГҮЙ САЙД, ДАРГА НАР ИЧИГ, ИЧИГ.
Сэтгэгдэл (0)
Сэтгэгдэл бичигдээгүй байна