УИХ-ын гишүүн, ШИНЭ намын дарга Ж.Батзандан "Б.Хурц Дамирангийн Энхбатыг С.Зоригийг хөнөөсөн хэрэгт холбогдуулан Франц, Германаас хулгайлж, Монголд хууль бусаар авчирсан. С.Зоригийг хөнөөсөн хэргийг илрүүлснийхээ төлөө генерал цол хүртсэн. "Эрдэнэт"-ийн 49 хувийг ХХБ-д авч өгөх ажиллагааг гардан зохион байгуулсан," гэх мэдээллийг хийж байсан.
Харин ТЕГ-ын дарга асан Б.Хурц "нэр төрд халдсан" хэмээн шүүхэд хандсан бөгөөд энэ хэргийн шүүх хурал болж, "Ж.Батзандан нь дээрх мэдээллүүдийг тараасан хэлбэр, хэрэгслээр няцаах үүрэг хүлээнэ. Төрийн ордонд 2017 оны арваннэгдүгээр сарын 06-нд УИХ-ын гишүүн Ж.Батзандангийн хийсэн хэвлэлийн бага хурлын мэдээ хэвлэл мэдээллийн хэрэгслүүд, олон нийтийн сүлжээгээр түгээгдсэн байх тул бодит байдалд нийцэхгүй мэдээлэл тараасан хэлбэр, хэрэгслээр няцаах үндэслэлтэй байна" гэж шийдвэрлэсэн байдаг.
Харин шүүхийн энэ шийдвэрийг Ж.Батзандан өөрийнхөөрөө тайлбарлан, хэвлэлийн хурал хийлээ. Тодруулбал, "Баянзүрх дүүргийн Иргэний хэргийн шүүх Б.Хурцад тал зассан шийдвэр гаргалаа. Шүүхийн шийдвэрийг би ойлгохгүй байна. Эхний мөрөнд няцаалт хий гэсэн бол хоёр дахь мөрөнд няцаалт хийх шаардлагагүй" гэсэн шийдвэр гаргасан тогтоолыг би өчигдөр авсан. Тиймээс би няцаалт хийж, уучлал гуйх шаардлагагүй" гэв.
Уншигчиддаа тухайн шийдвэрийг хүргэж байна.
Сэтгэгдэл (0)
Сэтгэгдэл бичигдээгүй байна