Коронавирусээр нас барсан хүний тоо 1068, эдгэрсэн хүний тоо 2639

Шинэ коронавирусийн халдварын тоо нэмэгдсээр байна. Гэхдээ үүнийг даган эдгэрсэн хүний тоо ч нэмэгдэж байгаа тул бүгд халдварын голомт гэгддэг Хятадын Хубэй мужид халдвар авсан хүний тоо ба нас барсан хүний тоо өөрчлөгдөхийг голчлон анхаарах болжээ. Тус мужийн Ариун цэвэр ба эрүүл мэндийн хорооны мэдээлж буйгаар лхагва гарагийн байдлаар Хубэй мужид халдвар авсан хүний тоо 33,3 мянга, нас барсан хүний тоо 1068, эдгэрсэн хүний тоо 2639 болсон байна. Өчигдрийн мэдээгээр тус мужид халдвар авсан хүний тоо 31,7 мянга гэж байсан. Дэлхийн хэмжээнд нийт халдвар авсан хүний тоо ингэснээр бараг 2000 мянгаар нэмэгдэн 44 мянгыг даваад байна.

Өдөр болгон энэ мэт хэдэн мянга гэсэн тоо сонссоор дасал болоод, тархалтын хурдац, далайц хамрах хүрээ гэх мэт зүйлсийн талаар тун бүдэг бадаг төсөөлөлтэй болсон байдаг. Иймд зарим нэг тоог эргэн сануулахад илүүдэхгүй байх. Тухайлбал, 2020 оны нэгдүгээр сарын 21-нд Хятадын талын мэдээлснээр Хубэй мужийн Ухань хотод шинэ төрлийн коронавирусээр өвдсөн ердөө 306 тохиолдол байна гэж мэдээлж байсан. Тэгтэл нэгдүгээр сарын 26-ны байдлаар халдвар авсан хүний тоо 2021 болж, нэгдүгээр сарын 31-нд 9802, хоёрдугаар сарын 5-нд 24316 байсан бол энэ сарын 11-нд 42694 халдвар тохиолдол бүртгэгдсэн байна. Хорь хоногийн дотор ингэж хурдан тархсан байна.

Хятадаас бусад улсад 2019-nCoV вирусийн тархалт дараах байдалтай байна. Үүнд:

• Япон 161
• Сингапур – 45
• Тайланд – 32
• Өмнөд Солонгос 32
• Тайвань – 18
• Малайз 18
• Австри – 15
• Вьетнам 15
• Герман 14
• АНУ 13
• Франц 11
• Арабын Нэгдсэн Эмиратууд  11
• Их Британи 8
• Канад 7
• Энэтхэг 3
• Филиппин 3
• Итали 3
• ОХУ 2
• Испани  2
• Камбож – 2
• Финланд 1
• Балба 1
• ШриЛанка -1
• Швед 1
• Бельги 1