Тагнуулын ерөнхий газрын дарга генерал Д.Гэрэл нь Зариг.мн сайтыг шүүхэд болоод цагдаагийн байгууллагад шалгуулахаар хоёр өөр утгатай гомдол гаргасан юм. Сүхбаатар дүүргийн Иргэний хэргийн шүүхээс Д.Гэрэлийн хүүгийн алтны уурхайд үзлэг хийхээр шийдвэрлэсэн аж.
Харин хоёр дахь гомдол болох Сүхбаатар дүүргийн цагдаагийн нэгдүгээр хэлтэст зариг.мн сайтын 2020 оны дөрөвдүгээр сарын 18-нд нийтэлсэн " Баримт: ТЕГ-ын дарга Д.Гэрэлийн эхнэр Богд ууланд том газартай" гэсэн мэдээлэлд нэр төрд халдлаа гэж Генералын зүгээс гомдож эрүүгийн хэрэг үүсгүүлэхээр хандсан юм. Сүхбаатар дүүргийн Цагдаагийн нэгдүгээр хэлтсийн ахлах мөрдөн байцаагч Н шалгаад зариг.мн сайт Д.Гэрэлийн нэр төрд халдаагүй, өөрөөр хэлбэл нийтэлсэн баримт үнэн болохыг тогтоож Д.Гэрэлийн өргөдлийг хэрэгсэхгүй болгож хаажээ.
Мэдээллийг эргэн сануулж нийтэлж байна.
Кёкүшүюзан Д.Батбаярын 32 сая ам.доллараар лиценз зарсан тухай бичлэгийн араас зариг.мн сайт хоёр дахь мэдээллийг боловсруулж уншигч та бүхэнд хүргэж байна.
Уг бичлэгт Монгол улсын заан Ч.Батзориг, Тагнуулын ерөнхий газрын дарга Д.Гэрэл нар тусгай хамгаалалттай Богд ууланд газар эзэмшдэг, түүнийгээ зарах тухай яриа өрнөдөг юм.
Тэгвэл бид уг бичлэгт дурдагдсан газрын араас эрэн сурвалжлав. Бичлэгт дурдагдсан тухайн яриа үнэн болохыг ч олж мэдлээ. Богдхан уулын дархан цаазат газрын Арцатын амны хязгаарлалтын бүсэд Тагнуулын ерөнхий газрын дарга Д.Гэрэлийн эхнэрийнх нь компани болох “Ойрад импекс” 1,79 га газар эзэмшдэг. Генералын эхнэрийг Эрдэнийн Даваасүрэн гэдэг. Тус компани дархан цаазат ууланд 40 287 м.кв газар эзэмших хүсэлтэй байгаа гэдгээ өнгөрсөн жил БОАЖ-ын яаманд албан бичгээр илэрхийлжээ. Энэ хүсэлтийг нь БОАЖ-ын сайд Н.Цэрэнбат хүлээн авч 2004 онд олгосон 0,5 га газрыг томруулж шийдэж өгчээ.
Сарын өмнө генерал Д.Гэрэлд ийнхүү Богдууланд байгаа газрыг томруулаад 1,79 га газар болгох гарын үсгийн Н.Цэрэнбат сайд зуржээ. Тус газрыг эзэмшдэг "Ойрад импекс" ХХК-ийг Л.Гэрэл хөрөнгө орлогынхоо мэдүүлэгт дурдсан байна.
Тагнуулын дарга Д.Гэрэлийн төрсөн хүүгийн нэр дээр алтны уурхай ажилладаг гэдгийг бид өмнө нь мэдээлсэн. Тэгвэл төрийн тусгай хамгаалалттай газар эхнэрийнхээ нэрээр газар эзэмшдэг гэдгийг олж мэдээлж байна.
Сэтгэгдэл (0)
Сэтгэгдэл бичигдээгүй байна