“Вакцин хийлгэсэн ч “Ковид-19”-ийн эсрэг дархлаа удаан хугацаанд тогтохгүй байх магадлалтай”

Дэлхийд 24 цагийн дотор 281 мянган хүн шинээр халдвар авч, 6000 гаруй хүн эндсэн.

Манай хөрш ОХУ-д 24 цагийн дотор 4829 гаруй хүн шинээр халдвар авч, 110 хүн энджээ.

БНХАУ-д 22 тохиолдол шинээр бүртгэгдсэний ес нь гадаад улсаас зөөвөрлөгдөн орж ирсэн.

Японд 877 хүн халдвар авч, 20 хүн энджээ. Солонгос улсад 323 тохиолдол бүртгэгдэв. Үүний 15 нь гадаадаас зөөвөрлөгдөн орж ирсэн гэж үзжээ.БНСУ-ын эрдэмтдийн судалгаагаар хүүхдүүд ихэвчлэн хөнгөн балархай хэлбэрээр өвчилж байна. Гэхдээ 14-21 хоногийн хугацаанд бусад хүмүүст халдвар тараах нь өндөр байгааг тогтоожээ. Өвчилсөн бага насны хүүхдүүд халдвар тараах эх уурхай болж байгааг онцолсон байна.

Харвардын их сургуулийн эрдэмтэд биеийн дархлаанд өөрчлөлт орж байгааг онцлоод уг вирусийн эсрэг дархлаа тогтоох үйл ажиллагаа хязгаарлагдмал байгааг тогтоожээ. Улмаар вакцин хийлгэсэн ч халдварын эсрэг дархлаа удаан хугацаанд тогтохгүй байх магадлалтай гэсэн дүгнэлтэд хүрчээ.