Персийн булангийн төдийгүй дэлхийн хамгийн хангалуун улсын нэгд тооцогдож байсан Кувейт дампуурлын ирмэг дээр ирсэн тухай тус улсын Сангийн яамнаас мэдээлсэн байна. Кувейтийн сангийн 90 хувийг газрын тос, шатдаг хийн экспортоор бүрдүүлдэг атал эдгээр түүхий эдийн дэлхий зах зээл дээрх үнэ огцом унаж, урт хугацааны турш доогуур хэвээр байгаа учраас ийм байдалд хүрсэн гэж байна. Одоо Кувейт нь төрийн албан хаагчдынхаа цалинг л арай ядан тавьж чадаж байгаа гэнэ. Ийм байдлаар ахин хоёр сар болоход л Кувейтийн Засгийн газар бүх төрлийн нийгмийн халамжийг төлөх чадваргүй болно гэдгийг Сангийн яам нь анхааруулжээ. Одоогоор төсвийн алдагдал нь 18,44 тэрбум доллар болж даруй 68,6 хувиар өссөн нь Кувейтийн ДНБ-ий 10 хувь болоод байгаа аж. Хүнд байдлаас гарахын тулд Засгийн газар нь дотоод ба гадаад зэх зээл дээрээс 65 тэрбум доллар зээлэх ёстой гэж мэргэжилтнүүд зөвлөсөн байна. Кувейттэй адилаар санхүүгийн гачигдалд орсон Саудын Арави гэх мэт Ойрх Дорнодын бусад улсууд бонд гарган гадаад ба дотоод зах зээлээс их хэмжээний мөнгө зээлээд байгаа юм.
Сэтгэгдэл (0)
Сэтгэгдэл бичигдээгүй байна