2020/10/29
USD 2,811

Монголын энхийг сахиулагчид үерт өртсөн Судан иргэнийг аварчээ

Э.Билгүүтэй
2020/09/19

Бүгд найрамдах Өмнөд Судан улсад явагдаж байгаа НҮБ-ын энхийг сахиулах ажиллагаанд үүрэг гүйцэтгэж байгаа Монгол Улсын Зэвсэгт хүчний мотобуудлагын батальоны хоёрдугаар ротоос томилогдсон бүрэлдэхүүний албан хаагчид үеэрт өртсөн орон нутгийн иргэнийг аварчээ.

Тодруулбал, ахлагч Ж.Лхагвадорж, дэд ахлагч Б.Билэгдэмбэрэл нар газар орны үнэлгээ хийх, авто замын эвдрэл шалгах зорилгоор эргүүлийн үүрэг гүйцэтгэж явахдаа мотоциклтойгоо их хэмжээний усанд унасан орон нутгийн иргэнтэй таарсан байна. Тэд тухайн иргэнд шуурхай тусламж үзүүлэн, амь насыг нь аварч, мотоциклийг нь уснаас татан гаргаж өгчээ.

Энэ нь орон нутгийн иргэдийн дунд монгол цэргүүдийн нэр хүндийг өндөрт өргөсөн, иргэдийн итгэлийг олж, талархлыг хүлээсэн үйл явдал болов.


Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
139.5.218.250 |   2020/09/19
Mundag daichiddaa alband ni amjilt husey
Хариулах
66.181.186.11 |   2020/09/19
Mundag eh ornii howgvvddee bayar hvrgey amjilt hvsey
Хариулах