2020/10/20
USD 2,811

Трамп, Байден нарын мэтгэлцээний эргэн тойронд

О.Шүрэнцэцэг
2020/10/02

Шинэ сарыг олон нийт дэлхийн хамгийн хүчирхэг гүрэн АНУ-ын ерөнхийлөгчийн сонгуульд нэр дэвшигчдийн анхны халз мэтгэлцээний дуулиан шуугианаар эхлүүллээ. Учир нь өнгөрөгч сарын 30-нд болсон АНУ-ын ерөнхийлөгчийн сонгуульд нэр дэвшигч Дональд Трамп, Жо Байден нарын мэтгэлцээн хэрүүлээр эхэлч, хэрүүлээр төгслөө. Уг нь тэд коронавирусын хямралаас үүдсэн эдийн засгаа хэрхэн сэргээх, Дээд шүүхийн шинэ шүүгчийг хэзээ томилох, арьс өнгөөр ялгаварлан гадуурхах үзэл, сонгуулийн нэгдмэл байдал гэсэн хэд хэдэн чухал сэдвээр мэтгэлцэх ёстой байсан юм. Ийн хоёр  нэр дэвшигчийн байр суурийг багцлан хүргэж байна.

 ТРАМП: БИ БАЙДЕНААС ХИЙЖ БҮТЭЭСЭН ЗҮЙЛЭЭРЭЭ ИЛҮҮ

 Бүгд найрамдах намаас улиран нэр дэвшсэн Дональд Трамп юу ярив?

-Жо Байден ерөнхийлөгч болвол АНУ-ын захын хорооллууд байхгүй болно.

- Би 47 жилийн хугацаанд  Байдены 47 жилд хийж бүтээснээс олон зүйлийг хийсэн.

- Ухаалаг гэдэг үгийг  хэзээ ч битгий надад  хэлээрэй.

 -Жо Байден Ерөнхийлөгч байсан бол үүнээс ч олон хүн нас барах байсан.

-Нууцаар санал хураана гэдэг миний харж байсан хамгийн муухай луйвар. Хэрэв 10 мянган хоосон санал хураасан нь батлагдвал би сонгуулийн үр дүнг зөвшөөрөхгүй.

-Та нар тоо баримт ярихдаа Хятадад, Орост, Энэтхэгт хэдэн хүн нас барсныг хэлж чадахгүй. Учир нь тэдгээр орон нарийн тоо баримтаа нууцалж байгаа.

 ЖО БАЙДЕН: ТРАМП БОЛ АНУ-ЫН ТҮҮХЭН ДЭХ ХАМГИЙН МУУ ЕРӨНХИЙЛӨГЧ

 Ардчилсан намаас нэр дэвшигч Жо Байден юу ярив?

-Трамп  бол алиалагч, арьс өнгөөр ялгаварлагч, Америкийн түүхэн дэх хамгийн муу ерөнхийлөгч.

-Коронавирус АНУ-д өргөн тархаж, олон сая хүн халдвар авсан нь Трамп эрүүл мэндийн төлөвлөгөөг сайн боловсруулаагүйтэй холбоотой.

-Энэ бол 1950 он биш шүү. Трампын бий болгосон цар тахал, уур амьсгалын өөрлөлт л захын хороололд аюул учруулж байна.

-Эрхэмээ та амаа татаж болох уу?. Энэ алиалагчид хэлэх үг ч олдохгүй байна.

-Энэ мэтгэлцээн чи бид хоёрын гэр бүлийн тухай биш учир Америк хүмүүсийн тухай ярь. Чи хэрэгтэй зүйл огт ярихгүй байна.

-Миний хүү хар тамхины асуудалд орооцолдсон нь үнэн. Гэхдээ тэр үүнийг даван туулж чадсанд нь би бахархдаг. Ийн халз мэтгэлцээний дараа “CBS News” телевизийн явуулсан судалгаагаар үзэгчдийн 48 хувь нь Жо Байденг, 41 хувь нь Дональд Трампыг илүү байсан,  10 хувь нь тэдний мэтгэлцээн эн тэнцүү өндөрлөсөн гэж дүгнэжээ. Дараагийн мэтгэлцээн  энэ сарын 15, 22-нд болно.

 

Эх сурвалж: “Зууны мэдээ” сонин


Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.126.90.159 |   2020/10/02
Танихгүй чөтгөрөөс таньдаг чөтгөр дээр гэж
Хариулах
54.36.119.178 |   2020/10/02
ТЭР ХОЛЫН АМЕРИКИЙН СОНГУУЛЬ ЯРЬЖ БАЙСНААС ЭНД НҮХЭН ЖОРЛОНГООСОО САЛАХАА ЯРИХ ХЭРЭГТЭЙ ТЭР ОЮУНГЭРЭЛ ГИШҮҮНИЙ ЖОРЛОНГИЙН АСУУДАЛ МАШ ТОМ АСУУДАЛШҮҮ. ИЛ ЖОРЛОНД БААСАН БААС ШЭЭС ШУУД ХӨРСӨНД ШИНГЭЭД БИД ШУУД ТЭРИЙГ УУГААД БАЙГАА ЮМ МАНАЙХААС ӨӨР ГАЗАР ИНГЭДЭГГҮЙ ЮМАА ДАНДАА ХӨРСӨӨ ХАМГААЛЖ БЕТОНДОЖ ТУСГААРЛААД ЗӨӨВӨРЛӨЖ ЦЭВЭРЛЭХ БАЙГУУЛАМЖИНД ЗӨӨВӨРЛДӨГ ЮМАА
Хариулах
54.36.119.178 |   2020/10/02
ТРАМП НЬ АРАЙ ДЭЭРЭЭ
Хариулах