Допингийн эсрэг үндэсний төвөөс хийсэн мэдээллийн дагуу энэ жилийн Үндэсний их баяр наадмын хүчит бөх гурван бөхөөс илэрсэн допингийн төрлийн бодисууд нь хүний биед ямар нөлөө үзүүлдэг талаар тодрууллаа.
Үндэсний их баяр наадмын хүчит бөхийн барилдаанд зургаа даван шөвгөрсөн, Улсын харцага Б.Бат-Оршихоос Дэлхийн допингийн эсрэг агентлагаас гаргасан "хориглосон жагсаалт-2020"-д орсон S1.1 бүлгийн тренболон, S4 бүлгийн Мелдониум, S5 бүлгийн Ацетазоламид гэх гурван төрлийн бодис илэрсэн талаар мэдээлсэн. Тэгвэл хориотой гэгддэг дээрх бодисуудын зориулалт нь:
/ S1.1 бүлгийн тренболон эр бэлгийн дааврын бэлдмэл, булчин хөөлгөгч эм/
Эр бэлгийн дааврын бэлдмэл нь синтетик аргаар буюу лабораторид гаргаж авсан, АНУ-ын Хууль зүйн яамны харьяа Мансууруулах бодистой тэмцэх газраас “Гуравдугаар зэрэглэл”-ийн хориотой бодисын жагсаалтад оруулсан, Монгол Улсын эмийн бүртгэлд бүртгэгдээгүй бэлдмэл.
Мелдониум нь зүрхний өвчин болон чихрийн шижингийн эсрэг үйлчилгээтэй эм бөгөөд булчин дахь хүчил төрөгчийн урсгалыг нэмэгдүүлснээр хүнийг эрч хүчтэй, тэвчээртэй байхад дэмжлэг үзүүлдэг.
Польшийн Польфарма үйлдвэрийн Диакарб (ацетазоламид) 250мг шахмал эм нь эмийн бүртгэлд бүртгэгдсэн хүчин төгөлдөр эм гэсэн үг. Энэхүү эмийг уушги-зүрхний дутмагшлаас шалтгаалсан хаван, нүдний глауком /нүдний дотоод даралт ихсэх/ өвчин, шээс хөөх зорилгоор болон эпилепси /уналт, таталт/ -ийн үед хэрэглэдэг.
Харин найм давж үзүүрлэсэн Улсын аварга Н.Батсууриас хориглосон жагсаалтад багтсан S4 бүлгийн Триметазидин хэмээх нэг төрлийн бодис илэрчээ.
Улсын аварга Н.Батсуурийн допингийн шинжилгээнээс илэрсэн “предизин” эмийн олон улсын нэршил нь “триметазидин”, харин өргөн хэрэглээний нэр нь predizin (предизин) юм.
Предизин эмийг зүрхний өвчтэй хүмүүс хэрэглэдэг. Хэвийн үедээ зүрх ачааллаа дааж чадахгүй болсон, эсвэл зүрхний ишеми өвчний үед өвдөлтийг бууруулах, хүчилтөрөгчийн хэрэгцээг бууруулах үйлчилгээг үзүүлдэг. Мөн зүрхний цусан хангамжийг сайжруулах хоёр төрлийн үйлчилгээг үзүүлдэг.
Хүчит бөхийн барилдаанд зургаа давж шөвгөрсөн, Улсын арслан Р.Пүрэвдагваас хориглосон жагсаалтад багтсан S1.1 бүлгийн Норандростерон, S1.1 бүлгийн Дростанолон, S4 бүлгийн Тамоксифен гэх гурван төрлийн бодис илэрсэн. Тус хориотой бодисуудын үйлчлэл нь:
S1.1 бүлгийн Норандростерон нь хvний бие махбодийн бодисын солилцооны vр дvнд vvсч хvний биед тодорхой хэмжээгээр байдаг бодис. Энэхүү эм нь өвдөлт намдаах үйлчилгээтэй.
S4 бүлгийн Тамоксифен нь эстрогений рецептортай харилцан үйлчлэлцэж түүнд хориг үүсгэн эстроген дааврын янз бүрийн рецепторт нөлөөллийг хориглоно. Зарим тохиолдолд хорт хавдарын эмчилгээний үед хэрэглэгддэг.
°C
Сэтгэгдэл (6)