2020/11/25
USD 2,811

Жо Байден 20 мянган саналаар тэргүүлж явна

О.Шүрэнцэцэг
2020/11/07

Арваннэгдүгээр сарын 3-нд явагдсан АНУ-ын сонгуулийн санал тооллого үргэлжилж байна. Саналын хуудасны 96 хувийг тоолсон байдлаар Ардчилсан намаас нэр дэвшигч Жо Байден өрсөлдөгчөөсөө 20 мянган саналаар тэргүүлж яваа тухай CNN мэдээллээ. Баасан гарагийн оройны байдлаар Байден Пенсильванийн 3.304.356 сонгогч буюу 49.5 хувийн саналыг авсан бол Доналд Трам 49.2 хувийн дэмжлэг авчээ. Энэ мужид саналын тоогоор тэргүүлсэнээр сонгогчдын төлөөлөгчдийн 20 саналыг авах эрхтэй болно. Одоогоор төлөөлөгчдийн 264 саналтай яваа Байденд ялалт илүү ойрхон байгаа юм. Невада (6 санал), Жоржиа (16), Хойд Каролина (15), Аляска (3) мужуудад сонгуулийн ялагч хараахан тодроогүй байна. Байден 38 мянга саналаар тэргүүлж яваа Аризонад ялсан гэж Ассошэйтэд Пресс агентлаг мэдээлж буй ч Америкийн бусад хэвлэл мэдээллийн хэрэгслүүд энэ мужид Ардчилсан нам ялна гэж таамаглахад эрт гэжээ. Трамп одоогоор Хойд Каролина, Аляска мужид саналаараа тэргүүлж байна. 


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна