Энэтхэг улсад өнөөдрийн байдлаар 9.9 сая хүн цар тахлын халдвар авч, 144 мянга гаруй хүн нас барснаар АНУ-ын дараа орж байна. Ийн тархалт өндөр байгаа тус улс нэгдүгээр сараас COVID-19 халдварын эсрэг вакцинжуулалтаа эхлүүлэхээр төлөвлөж байгаа талаар эрүүл мэндийн ажилтан нь мэдэгджээ. Яаралтай ашиглах зөвшөөрлийг ирэх долоо хоногт авахаар зарим вакцин үйлдвэрлэгчид хандсан талаар эх сурвалж ярилаа. Өнөөдрийн байдлаар Энэтхэгт халдварын эсрэг зургаан вакцин туршиж байгаагаас хоёр вакцин үйлдвэрлэгч компани яаралтай ашиглах зөвшөөрөл хүсчээ. Тодруулбал, Энэтхэгийн төдийгүй дэлхийн хамгийн том вакцин үйлдвэрлэгч Серум хүрээлэн болон Бхарат Биотек гэсэн хоёр хүрээлэн сард 65 сая тунг үйлдвэрлэх боломжтой хэмээн мэдэгджээ. Мөн бусад улс орноос урьдчилж захиалсан вакцины хангалттай нөөцтэй талаар ярьсан байна.
Вакцинжуулалт ирэх сард эхэлвэл наймдугаар сар гэхэд 300 сая хүн хамрагдсан байх аж. Хамгийн эхэнд эрүүл мэндийн ажилтнууд, цагдаагийн алба хаагчид, цэрэг болон бусад голомтод ажиллаж байгаа 10 орчим сая хүнийг хамруулах юм байна. Дараагийн удаа 50-аас дээш насныхан, суурь болон хавсарсан өвчтэй хүмүүс хамрагдаж аж.
Эх сурвалж:BBC
°C