ШӨХТГ-ын хүндэт тэмдгийн эзэд тодорлоо

О.Шүрэнцэцэг

2020/12/26

Өрсөлдөөний шударга бус хэлбэрийг таслан зогсоох, хэрэглэгчийн эрхийг хамгаалахад үнэтэй хувь нэмэр оруулсан шилдэг аж ахуй нэгж, иргэний үйл хэрэг, алдар гавъяаг мөнхжүүлэхээр Шударга өрсөлдөөн, хэрэглэгчийн төлөө газрын “ХЭРЭГЛЭГЧИЙН ТӨЛӨӨ” хүндэт тэмдгээр шагнадаг уламжлалтай. 2020 оны “ХЭРЭГЛЭГЧИЙН ТӨЛӨӨ” хүндэт тэмдгийн эзнээр дараах байгууллагуудыг алдаршуулан шагналаа.

Хэрэглэгчийн нийтлэг эрхийг хамгаалах, төрийн байгууллагын үйл ажиллагааг цахимжуулах, ил тод болгох олон системийг бүрдүүлж Ибаримт аппликейшнийг хэрэглээнд нэвтрүүлсэн учир ГААЛЬ, ТАТВАР, САНХҮҮГИЙН МЭДЭЭЛЛИЙН ТӨВ, Эрүүл нийгмийг бүтээх, хэрэглэгчийн эрхийг хамгаалах, шударга ёсыг тогтоохын төлөө цуцалтгүй тэмцэж, бодлогын олон ажлыг бодит болгож Хүүхэд хамгаалал хөгжлийн төвийг байгуулж идэвхитэй үйл ажиллагаа явуулдаг ЛАНТУУН ДОХИО ТББ, Шударга үнэний дуу хоолой, ард түмний эрх ашиг, хууль бус аргаар Улсын хөрөнгийг хувьдаа завшсан эрх мэдэлтнүүдийг илрүүлж шударга үнэнийг илчилсэн ЗАРИГ.МН сайтыг ШӨХТГ-ын “ХЭРЭГЛЭГЧИЙН ТӨЛӨӨ” хүндэт тэмдгээр шагналаа.
Шударга нийгмийн бүтээлцэж, хэрэглэгчийн эрхийг хамгаалахад хүчин зүтгэж буй та бүхний хөдөлмөрч зан, тууштай байдал, шинийг санаачлагч, хичээнгүй зүтгэлд тань талархаж, баяр хүргэе.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна