Корона вирусийн өндөр халдвартай мутаци илэрсэн сургаар улс орнууд Их Британитай харилцдаг бүх замуудаа хааж эхэлсэн. Одоогоор 50 гаруй улс орон Их Британитай агаарын замаа хаагаад байна. Франц улс ч ялгаагүй Францтай бүх харилцаагаа, түүний дотор хуур замын харилцаагаа хаасны улмаас хилийн ойролцоо 5000 гаруй хүнд даацын ачааны машин очих газаргүй хаагдан зогсжээ.
Зул сарын баяраар ийнхүү зам дээр хоног төөрүүлэх болсонд хоёр улсын Засгийн газар асуудлыг шийдэхээр яаралтай зөвлөлдсөн байна. Ингэсээр Франц хилээ нээж машин нэвтрүүлэхээр болсон, гэхдээ эхлээд жолооч нар корона вирусийн шинжилгээ өгөх ёстой гэсэн болзол тавьжээ.
Европчуудын хамгийн том уламжлалт баярын үеэр машиндаа хоносон жолооч нар бухимдуу байгаа тул Британийн эрх баригчид шинжилгээ авах явцыг аль болох хурдасгахыг хичээж байгаа юм байна.
Одоогоор 15 мянган удаагийн шинжилгээ авч ердөө 36 удаагийн “эерэг” хариу гарчээ. Одоо ахин 1,6 гаруй машины жолоочоос шинжилгээ авах ёстой байгаагийн дээр оноос өмнө Франц руу гарах гэсэн бусад машинууд нэмж ирсээр байгаа шинжилгээ авах ажилд зэвсэгт хүчний мэргэжилтнүүдийг дайчилсан байна.
Шинжилгээ хүлээн зогсох олон мянган жолооч нар нутгийн оршин суугчид болон төрийн бус байгууллагынхан тусламж үзүүлж, халуун хоолоор хангаж байгаа юм байна.
16°C
Сэтгэгдэл (39)