ЗГ: 1-р сарын 1-5-нд гарах цахилгааны төлбөрүүдэд өмнөх сарын төлбөр мөн багтсан

11-р сарын тодорхой хоногууд 12-р сарын төлбөр дээр орж ирж буйг иргэд ойлгох хэрэгтэй. Өөрөөр хэлбэл, 11 сарын 10-30-ныг хүртэлх төлбөр дараагийн сарын төлбөрт багтаж байгаа юм. Засгийн газрын тогтоол гарснааас хойш цахилгааны хэрэглээ өссөн. Тухайлбал, 1100 мегаватт гардаг байсан бол 12-р сарын 31-нд 1300 гарсан. Өөрөөр хэлбэл улсын хэмжээнд цахилгааны хэрэглээ 25  хувиар өссөн. Төрөөс төлбөрийг даахдаа өнгөрсөн оны мөн үеийн төлбөртэй харьцуулж төлөх учраас иргэд хэрэглээндээ хянамгай хандах хэрэгтэй.