Данийн вант улсын эрүүл мэндийн удирдах газар Британи-Шведийн хамтран “AstraZeneca” компанийн бүтээсэн вакциныг хэрэглэхээс татгалзах шийдвэр гаргасан байна. Түүнчлэн АНУ-д “Johnson & Johnson”вакцины гаж нөлөөг нарийвчлан шалгахаар болж, түр татгалзсаны дараа тус компанийн вакцинаас түр хугацаагаар татгалзахаар шийдсэн тухай Данийн “Politiken” сонин уламжилжээ.
Дани улс нь “AstraZeneca” вакцинаас 2,4 сая тунг худалдан авсан ч цусны бүлэгнэлтийн асуудалтай хүмүүст хийсний дараа судас бөглөрөх эрсдэл их байгаа тухай мэдээлэл гарсны дараа ашиглахаас татгалзахаар шийджээ. “Johnson & Johnson” вакцины хувьд Европын хяналтын алба “EMA”-ийн албан ёсны дүгнэлтийг хүлээхээр шийджээ.
Норвег улс нь мөн “AstraZeneca” вакцинаас бүрэн татгалзах шийдвэр гаргасан байна. Энэ тухай тус улсын Эрүүл мэнд ба нийгмийн халамжийн яам албан ёсоор мэдээлжээ. Тус мэдэгдэлд “Норвег улсад“AstraZeneca”бэлдмэлийг хэрэглэснээс үүдэх эрсдэл нь корона вирусээс өндөр байна” гэж заажээ.
Үүнээс гадна Францад “AstraZeneca” вакцин хийлгэсний дараа нас барсан хэд хэдэн тохиолдол бүртгэгдсэн байна. Нас барсан хүмүүст ямар нэг архаг өвчин эмгэг огт байгаагүй тул ар гэр нь “санамсаргүйгээр хүний амь хөнөөсөн” зүйл ангиар “AstraZeneca” компанийн шүүхэд өгч, нөхөн төлбөр авах зарга үүсгээд байгаа аж. Энэ дуулианаар Францын хойд нутагт хүмүүс “AstraZeneca”вакцин хийлгэхээс олноороо татгалзаад эхэлжээ.
“AstraZeneca” компани вакцинтай нь холбоотой таагүй мэдээ их гарсантай холбоотойгоор рэбрэндинг хийж вакциныхаа нэрийг өөрчлөн “Vaxzevria” болгоод улс орнуудад санал болгосон хэвээр байгаа аж.
Сэтгэгдэл (0)
Сэтгэгдэл бичигдээгүй байна