Гаазын бүс дэх Палестины радикал үзэлтнүүд тавдугаар сарын 10-аас хойш Израйлын хотууд руу 2900 пуужин харвасан тухай Израйлын армийн хэвлэлийн албанаас мэдээгджээ. Тус мэдэгдэлд дурдсанаар Гаазын бүсээс Израйлын газар нутаг руу 2900 орчим пуужин харваснаас 450 нь Гаазын бүс дотроо унасан. Агаарын довтолгооноос хамгаалах “Төмөр дээвэр” систем нь 1150 орчим пуужинг амдан устгасан. Сүүлийн 24 цагийн дотор Израйлыг хамгаалах армийн сөнөөгч онгоц ба нисгэгчгүй онгоцнууд нь Гаазын бүсийн дагууд ХАМАС ба “Исламын жихад” бүлэглэлүүдийн 90 алан хядах объектуудад цохилт өглөө. Израйлын устгасан байнууд дунд ХАМАС-ын улс төрийн товчооны удирдагч ба ХАМАС-ын хүний нөөц материал техникийн хангамжийн хэлтсийн даргын байруудын тус тус устгасан байна. Мөн пуужин харваж байсан 40 гаруй тоноглосон талбайд цохилт өгч устгажээ.
2014 оноос хойш хамгийн томд тооцогдож байгаа энэ удаагийн мөргөлдөөн нь тавдугаар сарын 7-нд эхэлсэн гэж болно. Израйлын шүүх Зүүн Иерусалим дах Шейх-Жарра дүүргээс дөрвөн араб гэр бүлийг байрнаас нь албадан нүүлгэх шийдвэр гаргасан нь мөргөлдөөн үүсэх шалтгаан болжээ. 1948 онд Иерусалимын нэлээд хэсгийг Иордан эзлэн аваад тэнд амьдарч байсан еврей гэр бүлүүдийг албадан нүүлгэж, оронд нь араб айлуудыг оруулсан. Гэтэл 1967 онд Израйл Иерусалимын эзлэгдсэн хэсгийг зэвсгийг хүчээр эргүүлэн авснаар байдал өөрчлөгдсөн. Улмаар 1972 оноос тэнд суурьшсан араб айлуудыг шүүхийн шийдвэрээр албадан нүүлгэж, 1948 оноос өмнө амьдарч байсан еврей эздэд нь буцаан өгч эхэлсэн юм. Ийм нэг шүүхийн маргаан олон жилийн дараа еврей гэр бүлийн ялалтаар дууссан нь ийнхүү том мөргөлдөөний шалтгаан болжээ.
Сэтгэгдэл (0)
Сэтгэгдэл бичигдээгүй байна