Хойд Америкийн сагсан бөмбөгийн НБА-н 2020-2021 оны аваргын төлөөх финалын цувралын 5 дахь тоглолт болж өндөрлөлөө. Тоглолт Финикс Санс багийн талбайд болсон бөгөөд зочин баг Милоуки Бакс 123-119 харьцаатай ялалт байгуулснаар цувралыг 3-2 болгов.
Талбайн эзэн Финикс тоглолтын эхний хагасын 1-р үед 37-21 харьцаатай тэргүүлсэн. Гэвч тэргүүллээ удаан хадгалж чадаагүй. Талбайн эздээс Д.Бүүкер ээлжит шоугаа үзүүлж 40 оноо авсан бол гараанд гарсан бусад тоглогчид бүгдээрээ +10 оноо авсан ч ялалт авахад хангалтгүй байлаа. Харин зочин багаас Яннис 32 оноо, К.Миддлетон 29, Ж.Холидэй 27 оноо авсан бол сэлгээнээс П.Коннатон маш сайн тоглож довтолгоогоо 67 хувьтай гүйцэтгэн 14 оноо авч багтаа тус хүргэсэн.
Хоёр багийн цувралын 6 дахь тоглолт ирэх 3 дахь өдрийн өглөө Милоуки Бакс багийн талбайд болно. Хэрвээ цувралын 6 дахь тоглолтонд Милоуки Бакс баг ялалт байгуулж чадвал талбай дээрээ НБА-н аварга болно.
23°C
Сэтгэгдэл (1)