Саяхан аймшигт газар хөдлөлт дайрч сүйрсэн Гаити арлаас ирсэн 10 гаруй дүрвэгсэд АНУ-д оршин суух зөвшөөрөл хүлээн Техас муж дах хилийн ойролцоох Дель Рио хотод бөөгнөрөөд байгаа тухай “Washington Post” сонин бичсэн байна.
Өнгөрсөн долоодугаар сард хөлсний цэргүүд төрийн эргэлт хийж Ерөнхийлөгч Жовенель Моизагийн аминд хүрсэн, үүнээс сарын дараа газар хөдлөлт болж арал бүхэлдээ сүйрсэн. Иймд АНУ –ын эрх баригчид Гаити арлын оршин суугчдад түр олгоод байсан “түр хамгаалалтад орсон хүмүүс” гэсэн статусыг сунгасан байна. Ингэснээр Гаити арлаас дүрвэн ирсэн оршин суугчдыг албадан буцаахгүй АНУ-д ажил хийх, түр оршин суух зөвшөөрлөөр хангаж байх юм. Гэхдээ ийм статустай хүмүүс АНУ-д тогтмол оршин суух зөвшөөрөл олгодоггүй аж.
Ийнхүү АНУ-ын хилийн нэвтрэхээр хүлээж байгаа Гаитийн дүрвэгчид Дель Рио хотын авто машины гүүрэн гарц доор халуун нарнаас нуугдаж орогнож байгаа юм байна. Ингэснээр тэд Дель Рио хотын хууль сахиулагч нар ирж баривчлахыг хүлээж байгаа юм гэж “Washington Post” тайлбарлажээ. Ингэж хууль сахиулагчдад саатуулагдсаны дараа албан ёсоор АНУ-д түр орогнол хүсэх өргөдөл гаргах боломж олгодог аж. АНУ-ын хуулийнхан Гаитийн энэ олон мянган дүрвэгчдийг түр саатуулж, түр орогнох хүсэлтийг нь авсны дараа дуудсан үед цагаачлалын шүүх дээр заавал ирэх нөхцөлтэйгөөр суллан явуулж таарах байх гэдгийг “Washington Post” онцолжээ.
Сүүлийн 11 сарын дотор АНУ-д Гаити арлаас 30 мянга орчим дүрвэгчид нүүж ирээд байгаа аж. Гаити арлаас ирэх дүрвэгсдийн тоо ойрын хэдэн сард буурахгүй гэж АНУ-ын Гаалийн алба ба Хилийн хяналтын албанаас мэдэгджээ.
10°C
Сэтгэгдэл (3)