Голомт банкны дотоод аудитын үйл ажиллагаа дэлхийн стандартад бүрэн нийцлээ


“Дэлхийн жишиг Монголын банк” уриан дор үйл ажиллагаагаа явуулдаг Голомт банк нь Монголын банк санхүү болон Дотоод аудитын салбарт онцлон тэмдэглэхүйц томоохон амжилтыг гаргаад байна.

Тус банкны Дотоод аудитын үйл ажиллагаа нь 2018 онд гадаадын банканд зөвлөх үйлчилгээг үзүүлсэн, 2019 онд олон улсын экспертүүдтэй хамтран аудит хийсэн зэргээр олон улсын тавцанд мэргэжлийн үйл ажиллагаагаа таниулж, хүлээн зөвшөөрөгдөж эхэлсэн. Эдгээр үйл явдлууд нь Монгол Улсын томоохон байгууллага, санхүүгийн институциуд гадны байгууллагуудаас зөвлөх үйлчилгээг аваад зогсохгүй өөрсдөө ч мөн адил бусдад үйлчилгээ үзүүлэх хэмжээнд хүрснийг, Монголын мэргэжилтнүүд олон улсын мэргэжилтнүүдтэй эн тэнцүү мэдлэг, ур чадвартайг нотлон харуулж байлаа.

Тэгвэл энэ удаа Голомт банкны Дотоод аудитын үйл ажиллагаа нь олон улсын Аудит, зөвлөх үйлчилгээний тэргүүлэгч байгууллагаар чанарын баталгаажуулалт, үнэлгээ хийлгэж, “Дотоод аудитын олон улсын Стандарт болон Ёс зүйн кодтой бүрэн нийцэж байна” буюу олон улсын стандартыг бүрэн хангаж байна гэх үнэлгээ авсныг дуулгахад таатай байна. Үүнээс гадна, Голомт банкны Дотоод аудитын үйл ажиллагааг бүс нутгийн 500 гаруй Дотоод аудитын нэгжтэй харьцуулж, “Голомт банкны Дотоод аудитын үйл ажиллагаа нь бүх үзүүлэлтээр манлайлж байна” гэж дүгнэжээ.  


Дотоод аудиторуудыг төлөөлөх олон улсын хамгийн том байгууллага болох “Дотоод аудиторуудын олон улсын институт” нь 1941 онд үүсгэн байгуулагдсан, 170 улс оронд 200,000 гаруй гишүүнтэй байдаг. Тус байгууллага нь Дотоод аудитын бүтэц, зохион байгуулалт, хараат бус байдлыг хангах, байгууллагад болон оролцогч талууддаа үнэ цэнийг бий болгох чиглэлд хийгдэх шаардлагатай ажлуудыг харуулсан баримт бичиг буюу Мэргэжлийн практикийн олон улсын хүрээг (IPPF) тодорхойлдог. Тус баримт бичгийн хамгийн чухал бүрэлдэхүүн хэсгүүд нь Стандарт болон Ёс зүйн код байдаг. Дотоод аудитын үйл ажиллагаа нь уг Стандарт, Ёс зүйн кодтой нийцэж буй эсэх хөндлөнгийн чанарын үнэлгээг хараат бус, бие даасан мэргэжлийн багаар хамгийн багадаа таван жилд нэг удаа хийлгэх ёстой байдаг.

Голомт банк нь Монгол Улсад анх удаа “Дотоод аудитын мэргэжлийн практикийн олон улсын Стандарт болон Ёс зүйн кодтой бүрэн нийцэж байна” гэх үнэлгээг авсан нь Голомт банк Монголын банк санхүүгийн болон Дотоод аудитын салбарын хөгжил дэвшилд шинэ хуудсыг нээсэн, түүхэн үйл явдал боллоо.

Эдгээр үр дүнгүүд нь Голомт банкны сайн засаглал, тогтвортой урт хугацааны хөгжлийн бодлого үр дүнгээ өгсний илрэл хийгээд Монгол Улсын Дотоод аудитын мэргэжилтнүүд олон Улсын түвшинд хүрснийг нотлон харуулж байна.

 



0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Сэрэмжлүүлэг: Голууд үерийн түвшинг 5-25 см даван үерлэж байна 4 цагийн өмнө
Монголын өндөр 10 ууланд богино хугацааны авиралт хийлээ 4 цагийн өмнө
Улаанбаатар-Дархан-Уул чиглэлийн 204.11 км авто замыг 2023 оны аравдугаар сарын 30 гэхэд бүрэн дуусгаж ашиглалтад оруулна 5 цагийн өмнө
Гэсэр сүмээс Хүнсний 1-р дэлгүүр хүртэлх замыг хааж, хучилт хийнэ 5 цагийн өмнө
Түр хорооны даргаар Улсын Их Хурлын гишүүн Г.Ганболдыг сонголоо 5 цагийн өмнө
Үнийн өсөлтийн эсрэг анхаарч ажиллахыг УИХ-ын дарга Г.Занданшатар үүрэг болголоо 6 цагийн өмнө
Л.Оюун-Эрдэнэ: Дарханы замын ажлыг гүйцэтгэгчийг шалгаруулсан албан тушаалтнуудыг АТГ-т өгнө, аудит оруулна 6 цагийн өмнө
Маргааш буюу долдугаар сарын 1-ний өдөр Монгол Улсын Үндсэн хуулийн цэц байгуулагдсан өдөр 6 цагийн өмнө
Зөвшөөрөлгүй байрлуулсан, хуучирч муудсан сурталчилгааны самбарыг буулгана 7 цагийн өмнө
Д.Тогтохсүрэн: Үнийн өсөлтийн асуудлыг бүлгийн хурлаар авч хэлэлцэнэ 7 цагийн өмнө
Түр ирэгч гадаадын иргэний визийн сунгалтын хүсэлтийг цахимаар хүлээн авч байна 8 цагийн өмнө
Ж.Сүхбаатар: Ч.Хүрэлбаатар Хөгжлийн банкны асуудлыг бүтэн хоёр жил дарж нуусан гэмт хэргийн шинжтэй нөхцөл илэрсэн 8 цагийн өмнө
Г.Ёндон: Манайд АИ92 шатахууны үнэ ОХУ-аас ч хямдхан зарагдаж байна 8 цагийн өмнө
ОБЕГ: Сүүлийн нэг сарын хугацаанд усны ослоор 3-14 насны дөрвөн хүүхэд эрсэдлээ 8 цагийн өмнө
УУХҮЯ: Наадмаар шатахууны үнэ нэмэгдэхгүй, нөөц хангалттай бий 8 цагийн өмнө
Ц.Нямдорж: Би улс төр ярьдаг албан тушаалтан биш, цаг нь болохоор ҮХНӨ-ийг ярина 8 цагийн өмнө
ЦЕГ: Сүүлийн хоёр сарын дотор 8 хүүхэд мориноос унаж амиа алдаж, 5 хүүхэд хүнд бэртэж, ухаан ороогүй байна 9 цагийн өмнө
"Бүрдэл Майнинг" ХХК-ийн ус ашиглах зөвшөөрөл, гэрээг цуцалжээ 9 цагийн өмнө
Байгаль орчны төсөлд ажиллах хүсэлтэй сайн дурын ажилтнуудын өргөдлийг ирэх сарын 23-ныг дуустал авна 9 цагийн өмнө
Эрдэнэбүрэнгийн УЦС-ын нөлөөлөлд автсан иргэн бүрт 15.1 сая төгрөг олгоно 9 цагийн өмнө