2021/12/03
USD 2,811

Т.Золжаргал: Караоке зөвхөн хоолоор үйлчлэх бөгөөд дуулуулж болохгүй гэсэн заалттай байсныг өөрчилсөн

М.Төгөлдөр
2021/11/02

Цар тахлын үед аж ахуйн нэгжүүдийг дэмжин, тэдний үйл ажиллагаа явуулах боломжийг бүрдүүлэх, төр, иргэн, аж ахуйн нэгжийн хариуцлагыг нэмэгдүүлэх зорилгоор “Хариуцлагын гэрээ”-г байгуулж буй. “Хариуцлагын гэрээ”-ний биелэлт, хэрэгжилтэд хяналт тавих, халдвар хамгааллын дэглэмийг чанд мөрдүүлэхээр Улаанбаатар хотын Захирагчийн ажлын алба, Нийслэлийн Мэргэжлийн хяналтын газар, Нийслэлийн Цагдаагийн удирдах газрын албан хаагчид шалгалтын ажлыг тогтмол хийж байна. Хяналт, шалгалтын ажлын талаар Улаанбаатар хотын Захирагчийн ажлын албаны Хүнс үйлдвэрлэл, худалдаа үйлчилгээний хэлтсийн дарга Т.Золжаргалаас тодрууллаа.

-Улаанбаатар хотын Захирагчийн ажлын албанаас аж ахуйн нэгжүүдтэй байгуулсан “Хариуцлагын гэрээ”-г шинэчилж байгаа гэсэн. Энэ тухай мэдээлэл өгнө үү?

-Улаанбаатар хотын Захирагчийн ажлын албаны нийт мэргэжилтнүүд, Нийслэлийн Мэргэжлийн хяналтын газар /НМХГ/-ын улсын байцаагч нар Нийслэлийн Цагдаагийн удирдах газар /НЦУГ/-ын алба хаагч нартай хамтран хяналт, шалгалтыг тогтмол хийж байгаа. Аравдугаар сарын 1-нээс хойш хоол үйлдвэрлэлийн чиглэлээр үйл ажиллагаа явуулдаг зургаан төрлийн аж ахуйн нэгжүүдтэй хийсэн “Хариуцлагын гэрээ”-г шинэчлэн, байгуулж буй. Ингэхдээ дүүрэг бүрийн худалдаа, үйлчилгээг зохицуулах зөвлөлд шинэчилсэн гэрээг хүргэсэн бөгөөд аж ахуйн нэгжүүдэд гэрээ шинэчлэхтэй холбоотой мэдээллийг давхар хүргүүлсэн. Аж ахуйн нэгж, байгууллагууд харьяа дүүргийнхээ худалдаа, үйлчилгээг зохицуулах зөвлөлд хандан “Хариуцлагын гэрээ”-гээ шинэчлэх боломжтой.

-Шинэчилсэн гэрээнд ямар заалтуудыг нэмсэн бэ?

-Өмнөх “Хариуцлагын гэрээ”-гээр караоке үйлчилгээний байгууллага үйлчлүүлэгчдэд зөвхөн хоолоор үйлчлэх бөгөөд дуулуулж болохгүй гэсэн заалттай байсан. Харин шинэчилсэн гэрээгээр үйлчлүүлэгчдийн 50 хувийн дүүргэлтийг хэтрүүлэхгүйгээр үйлчилж, дуулуулж болно гэх зэргээр заалтаа өөрчилсөн. Энэ мэтчилэн хоол үйлдвэрлэлийн чиглэлээр үйл ажиллагаа явуулдаг зургаан төрлийн аж ахуйн нэгж тус бүрийн онцлогт тааруулж, гэрээний заалтуудаа шинэчилсэн. Хяналт, шалгалтын явцад хамгийн их илэрч байгаа зөрчил нь зай талбайн дүүргэлт.  “Хариуцлагын гэрээ”-нд үйлчлүүлэгчдийн дүүргэлтийг хүчин чадлын 50 хувиас хэтрүүлэхгүй байх гэж заасан ч аж ахуйн нэгжүүд тус заалтыг биелүүлэхгүй байна. Гурван байгууллагын хамтарсан хяналт, шалгалтаар зөвлөн, туслах үйлчилгээ үзүүлэн газар дээр нь шаардлага тавьж, зөрчлийг арилгуулж байсан. Харин аравдугаар сарын 1-нээс эхлэн үе шаттайгаар арга хэмжээ авч байгаа. Гурван байгууллагын ажлын хэсгээс тавьж буй шаардлагыг биелүүлэхгүй, зөрчлөө удаа дараа давтсан тохиолдолд захиргааны арга хэмжээ авч, тусгай зөвшөөрлийг нь цуцлах хүртэл хариуцлага тооцно.

-Яг энэ дагуу “Хариуцлагын гэрээ”-гээ цуцлуулсан хэдэн аж ахуйн нэгж байна вэ?

-Аравдугаар сарын 1-нээс хойш 45 аж ахуйн нэгжийн тусгай зөвшөөрлийг цуцлаад байна. Тус байгууллагууд нь 50 хувийн дүүргэлтийг хэтрүүлсэн, хориглосон үйл ажиллагаа явуулсан, цаг хэтрүүлэн ажилласан, 21 нас хүрээгүй иргэнд согтууруулах ундаа худалдсан болон үйлчилсэн гэх шалтгаануудаар зөвшөөрлийг нь цуцалсан.

-Нийслэлийн Засаг даргын зүгээс аль болох аж ахуй нэгжүүдэд зөвлөн, туслахыг сануулдаг. Зөвшөөрлөө цуцлуулсан аж ахуй нэгжүүдэд өмнө нь зөвлөн тусалж, анхааруулж байсан уу?

-НМХГ, НЦУГ, Улаанбаатар хотын Захирагчийн ажлын алба хамтран аж ахуй нэгж байгууллагуудад зөвлөн туслах байдлаар сүүлийн хоёр жил орчим ажилласан. Гэвч удаа дараа зөрчил гаргаж, хуулийн заалтуудыг зөрчсөн аж ахуйн нэгжүүдийн зөвшөөрлийг цуцалсан. Аж ахуйн нэгжүүд хүнд хэцүү цаг үед ажиллаж байгааг ойлгож байна. Ажилчдынхаа цалинг тавихаас эхлээд орлого тасалдах асуудлуудтай тулгарч байгаа ч удаа дараа хариуцлага алдсан байгууллагуудын ард олон зуун иргэний эрүүл мэндийн асуудал яригдаж байгаа. Бид юун түрүүнд иргэдийнхээ эрүүл, аюулгүй байдлыг хангах учиртай тул ийм шийдвэр гаргасан.

НЗДТГ-ЫН ХЭВЛЭЛ МЭДЭЭЛЭЛТЭЙ ХАРИЛЦАХ ХЭЛТЭС


Сэтгэгдэл (10)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.9.46.84
Бүүр нэг монголчуудаа хааж боож санаа нь амардаг унхиагүй амитад
Хариулах
64.119.19.127
яаг тийм шүү
Хариулах
192.82.88.59
Ene olon uul uurhain tusgai zovshoorluudee tsutslaachee chaddagaarni ene muu heden uilchilgeenii baiguulguudaal oroldhii muu lalruud
Хариулах
122.201.31.16
Их ажил хийжээээ та нар. Амтдрах гээд л ядаад л байхад та нар дарамилаад хаагаад л торгоод л байх юмааа. Мөнгөтэй хүмүүс танил тал томчуудын газарыг торгож хаах байтгуй хаалгаар нь ч шагаахгүй бөйгаа биз дээээ новшнуудааа
Хариулах
66.181.161.15
Монголд юм хийнэ гэдэг чинь алаан бхгүй юу. Өөр газар бол аль улсын ямар хүн байхаас үл хамаарч бүх зүйл нь хээл хахуйлгүй нээлттэй хүссэнээ хийх боломжтой
Хариулах
66.181.161.15
манайх шиг юм хийх гэж бга ААн, иргэдээ торгож хааж боож зогсоод, дарамталж ажлын байрыг булааж устгаж нухчин дардаг сомнист бурангуй улс гэж бхгүй . Гадны улс орнууд чинь харин ч дэмжиж тусалж хөрөнгө мөнгийг нь гаргаж өгөөд дампуурвал хохиролгүй болгож нөхөн олговор ямар ямар билээ баахан туслалцаа үзүүлдэг. Монголд харин юм хийнэ гэдэг хээл хахиул мөнгө ар өврөөр арай гэж эхлэнгүүт болохгүй хаана ална хядна хаа гэх юм. Юм хийнэ гэдэг алаан болох юм аа
Хариулах
185.207.204.137
Oyulzgana, Sumiyabazar 2 ingene l dee erguu dagznuud. Amdrald niitsehgui baahan juram gargachihaad teriigee biyeluuleegui gej aj ahuin negjuudee hundruulj bdag baasnuud yumaa. Erguu dqgznuudaa 50 huviin durgeltiig hen ch hangaj ajillahgui bgaa gedgiig olgood naad shiudver, jurmaa tsustsal MANguunuudaa...
Хариулах
202.9.46.42
буруу шиидвэр кароке бол зүгээрл хор согтуу шүлсүүд дуулахгүй баардахгүй бол үхлээ юу шоучдаа
Хариулах
139.5.218.169
Үйлдвэр үйлчиггээ эхлүүлэх гэж байгаа иргэдээ дэмжих битгмй хэл бөөн дарамт шахалт.
Хариулах
139.5.218.169
Цуцлах цуцлах цуцлах ажилгүй иргэд тэр хэмжээгээр нэмэгдэж байгааг ойлгож бга юу та.дэлхийн хамгийн доод түвингийн цалинтай. Дэлхийн дээд хэмжээтэй стандарт үйлчилгээ шаардсан.Улс
Хариулах