ОЛИМПООС МЕДАЛЬ АВААГҮЙ ТАМИРЧДАА ХАТУУ ШИЙТГЭВ

Хойд Солонгосын спортын зарчим тун хатуу байдаг бололтой. Удирдагч Ким Чен Ун олимпоос алтан медаль авч, эх орноо дэлхийд сурталчилсан тамирчдад шинэ машин, орон сууц, телевизор бэлэглэдэг ажээ. Харин амжилт гаргаагүй тамирчдын ирээдүй тун бүрхэг болдог бөгөөд муу байранд амьдарч, нормын хоолноосоо хасуулж, хүнд нөхцөлд ажилладаг байна. Тэднийг дахин сургалтад хамруулж, нүүрсний уурхайд ажиллуулдаг тухай эх сурвалжуудад дурджээ. 2010 онд Хойд Солонгосын хөлбөмбөгийн баг 7-0 гэсэн харьцангуй үзүүлэлтээр Португалид ялагдахад дасгалжуулагч, тоглогчид бүгд нүүрсний уурхайд цөлөгдсөн байна. Хоёр жилийн дараа хөлбөмбөгчид амьсгалын замын өвчтэй болж, хоёр нь нас баржээ

Хойд Солонгосын тамирчид 2012 оны Лондонгийн олимпиос дөрвөн алт, хоёр хүрэл медальтай буцсан байна. 2016 оны Риогийн олимпид 31 тамирчнаас хоёр алт, гурван мөнгө, хоёр хүрэл медаль хүртсэн бол Өмнөд Солонгос есөн алт, гурван мөнгө, есөн хүрэл медаль авчээ. Ийнхүү үзэн ядагч улсынхаа багт ялагдсандаа Ким Чен Ун ихэд дургүйцэж, амжилт гаргаагүй тамирчдаа шийтгэжээ.